جعلی سفری دستاویزات پر شہریوں کو بیرون ملک بھیجنے والے گینگ کے ملزمان گرفتار کرلیے گئے ہیں۔
ترجمان ایف آئی اے کے مطابق اینٹی ہیومن ٹریفکنگ سرکل کراچی نے کارروائی کرکے جعلی کمپنی کے نام پر شہریوں کو بیرون ملک بھجوانے میں ملوث 2 انسانی اسمگلرز عمر عاصم اور حارث خان کو گرفتار کر لیا ہے۔
یہ بھی پڑھیں : ایف آئی اے کی ایک اور کامیاب کارروائی، سنگین جرائم میں ملوث انتہائی مطلوب اشتہاری ملزم عمان سے گرفتار
ملزمان امگرا لمیٹڈ کے نام سے کنسلٹینسی فرم چلا رہے تھے، ملزمان کو طارق روڈ سے گرفتار کیا گیا، گرفتار ملزمان نے جعلی ہیلتھ کیئر فرم ظاہر کر کے شہری کو برطانیہ ملازمت کا ویزا دیا۔
ملزمان نے شکایت کنندہ سے مجموعی طور پر 70 لاکھ روپے بٹورے، ابتدائی تفتیش کے مطابق ملزمان نے جعلی کمپنی کے نام پر مجموعی طور پر 40 شہریوں کو ویزے دیے۔
یہ بھی پڑھیں : انسانی اسمگلنگ، صارم برنی 2 روزہ جسمانی ریمانڈ پر ایف آئی اے کے حوالے
چھاپے کے دوران ملزمان سے چیک بکس، اسٹیمپ پیپر، وزیٹنگ کارڈز برآمد کرلیے گئے ہیں، ملزمان سے لیپ ٹاپ، موبائل فون اور متعدد سفری دستاویزات بھی برآمد ہوئی ہیں۔
ایف آئی اے کے مطابق ملزمان کو گرفتار کر کے تفتیش کا آغاز کر دیا گیا ہے جبکہ دیگر ملزمان کی گرفتاری کے لیے چھاپے مارے جارہے ہیں۔
