بنگلہ دیشی آرمی چیف جنرل وقار الزمان نے قوم سے خطاب میں اعلان کیا ہے کہ ملک کو مخلوط عبوری حکومت کے ذریعے چلایا جائے گا۔ اس سلسلے میں سیاسی جماعتوں سے مشاورت جاری ہے۔ ملک میں کرفیو یا ایمرجنسی کی کوئی ضرورت نہیں ہے۔
جنرل وقار الزمان نے بنگلہ قوم سے پُرامن رہنے کی اپیل کرتے ہوئے کہا کہ ہم سب مل کر ملک کو مسائل سے نکالیں گے، کوشش کریں گے کہ آج رات تک مسائل کا حل تلاش کرلیں۔
مزید پڑھیں:بنگلہ دیش: شیخ حسینہ واجد مستعفی، آرمی چیف کا مخلوط عبوری حکومت بنانے کا اعلان
انہوں نے کہا کہ ہم ملک کا امن واپس لائیں گے، مشتعل طلبا سے گزارش ہے کہ اب پُرامن رہیں اور اپنے گھروں کو لوٹ جائیں۔ بنگلہ دیش کے تمام فیصلے فوج کرے گی۔ عوام صبر کامظاہرہ کریں اور املاک کو نقصان نہ پہنچائیں۔
بنگلہ دیشی آرمی چیف کا کہنا تھا کہ عوام فوج پر اعتماد رکھیں، حالات ٹھیک ہوجائیں گے۔ مسائل کا حل نکالیں گے، عوام پرتشدد واقعات سے دور رہیں۔
