وزیراعظم پاکستان کے مشیر برائے سیاسی امور رانا ثنااللہ نے کہا ہے کہ ہم اداروں کے ساتھ کھڑے ہیں، اور ادارے ریاست کے ساتھ ہیں، جبکہ عمران خان اس ملک کی اساس کے خلاف ہے اور اداروں پر حملہ آور ہے۔
نجی ٹی وی سے گفتگو کرتے ہوئے انہوں نے کہاکہ یہ شخص ملک کو کسی حادثے سے دوچار کرنا چاہتا ہے، لیکن اب اگر دوبارہ کسی 9 مئی جیسے حادثے کا مئوجب بنا تو پہلے کی طرح ڈھیل نہیں ملے گی۔
یہ بھی پڑھیں لگتا ہے کچھ بڑا ہونے جارہا ہے، عمران خان کا صدر، وزیراعظم کے نام ای سی ایل میں ڈالنے کا مطالبہ
انہوں نے کہاکہ عمران خان خاطر جمع رکھیں، وہ یہاں ہیں تو ہم بھی یہیں ہیں، اور اگر کوئی صورتحال بنتی بھی ہے تو ڈٹ کر ان کا مقابلہ کریں گے۔
مشیر وزیراعظم نے کہاکہ 9 مئی کے واقعات میں ملوث ملزمان کا ٹرائل نہ ہونے کی وجہ عدالتی نظام ہے جو بار بار حکم امتناع دیتا ہے، اگر پی ٹی آئی کے لوگ رہا ہورہے ہیں تو اس کا مطلب یہ نہیں کہ وہ جرم میں ملوث نہیں تھے۔
انہوں نے کہاکہ عمران خان معاملے کو خود الجھا رہے ہیں، ابھی تو سپریم کورٹ میں فوجی عدالتوں کے حوالے سے فیصلہ نہیں ہوا۔
یہ بھی پڑھیں تحریک انصاف ملکی خودمختاری کے خلاف کام کررہی ہے، رانا ثنااللہ
رانا ثنااللہ نے کہاکہ کل تک شیخ مجیب الرحمان عمران خان کی نظر میں ہیرو تھا اور آج زیرو ہوگیا۔
