پیرس اولمپکس میں ارشد ندیم کے گولڈ میڈل جیتنے پر ہر پاکستانی نازاں ہے لیکن آپ اگر اسی جیولن تھرو ایونٹ میں سلور میڈل جیتنے والے بھارتی ایتھلیٹ نیرج چوپڑا کی والدہ کے جذبات سے واقف ہوں تو آپ کی خوشی دوبالا ہوجائے گی۔
گزشتہ رات جیولن تھرو کے فائنل کے بعد میڈیا سے گفتگو کرتے ہوئے نیرج چوپڑا کی والدہ سروج دیوی نے جہاں اپنے بیٹے کی کامیابی پر خوشی کا اظہار کیا وہیں انہوں نے گولڈ میڈل جیتنے والے پاکستانی ایتھلیٹ ارشد ندیم کو بھی نہیں بھولیں۔
#WATCH | Haryana: On Neeraj Chopra winning a silver medal in men's javelin throw at #ParisOlympics2024, his mother Saroj Devi says, "We are very happy, for us silver is also equal to gold…he was injured, so we are happy with his performance…" pic.twitter.com/6VxfMZD0rF
— ANI (@ANI) August 8, 2024
سروج دیوی نے ارشد ندیم کو اپنا لڑکا یعنی بیٹا کہتے ہوئے ان کی محنت کی تعریف کی۔ ’ہم بہت خوش ہیں، ہمیں تو سلور بھی گولڈ برابر لگ رہا ہے، جس کو گولڈ (میڈل) ملا ہے وہ بھی ہمارا لڑکا ہے، ہر کوئی بہت محنت کرنے کے بعد وہاں جاتا ہے۔‘
یہ بھی پڑھیں: نئے اولمپک ریکارڈ کیساتھ ارشد ندیم گولڈ میڈل حاصل کرنے میں کامیاب، پاکستان میں جشن کا سماں
واضح رہے کہ پیرس جیولن تھرو ایونٹ کے فائنل میں 26 سالہ بھارتی ایتھلیٹ نیرج چوپڑا دباؤ کا شکار نظر آئے اور دوسرے راؤنڈ میں 89.45 میٹر کی صرف ایک جائز تھرو میں دوسری پوزیشن حاصل کرنے میں کامیاب ہوئے، جبکہ پاکستانی ایتھلیٹ ارشد ندیم نے اولمپکس کا ریکارڈ بناتے ہوئے 92.9 میٹر تھرو کرکے گولڈ میڈل اپنے نام کیا۔
Silver Gold Diamond pic.twitter.com/IWzTirsEJp
— Narundar (@NarundarM) August 9, 2024
سوشل میڈیا صارفین نیرج چوپڑا کی والدہ سروج دیوی کی ’اسپورٹنگ اسپرٹ، محبت اور وقار‘ کے اظہار پر نثار ہوتے نظر آئے، کچھ نے اسے انٹرنیٹ پر بہترین ویڈیو قرار دیا تو بعض صارفین نے اسے ماں کے عالمی پیار کے اس اظہار کو اپنے دن کو اچھا بنانے کا سبب گردانا۔
مزید پڑھیں: گولڈ میڈل جیتنے والے اولمپیئن ارشد ندیم پر انعامات کی برسات
نیرج چوپڑا کی والدہ نے بتایا کہ وہ سلور میڈلسٹ کے لیے چورما بنائیں گی جو اسے پسند ہے۔ ’اس نے (نیرج چوپڑا) نے بہت اچھا کام کیا ہے اور ہم اس کی واپسی پر شاندار استقبال کریں گے، چونکہ اسے چورما پسند ہے، اس لیے ہم اس کے لیے وہی بنائیں گے۔‘
’یہ ارشد ندیم کا دن تھا‘
نیرج کے والد ستیش کمار نے اپنے بیٹے کی اولمپکس میں کارکردگی کو سراہتے ہوئے کہا کہ یہ مردوں کے جیولن تھرو کے فائنل مقابلے میں پاکستان کا دن ہے، انہوں نے نیرج چوپڑا کی کارکردگی میں ان کی انجری کا بھی ذکر کیا۔
مزید پڑھیں:ماں کی دعائیں رنگ لے آئیں، ارشد ندیم گولڈ میڈل جیتنے میں کامیاب
’ہر کسی کا اپنا دن ہوتا ہے، آج پاکستان کا دن تھا۔ لیکن ہم نے سلور میڈل جیتا ہے، اور یہ ہمارے لیے فخر کی بات ہے، مجھے لگتا ہے کہ اس (نیرج) کی کمر کی چوٹ نے اس کی کارکردگی کو متاثر کیا، لیکن پیرس اولمپکس میں نیرج کی کامیابی پر ہمیں خوشی اور فخر ہے، تمام نوجوان اس سے متاثر ہوں گے۔‘
