افغان دار الحکومت کابل میں وزارت خارجہ کی عمارت کے قریب دھماکا ہوا ہے جس میں 20 افراد کی ہلاکت اور متعدد کے زخمی ہونے کی اطلاعات ہیں۔
برطانوی خبر رساں ایجنسی رائٹرز کے مطابق خودکش حملہ آور نے افغان وزارت خارجہ کی عمارت میں داخل ہونے کی کوشش کی، سکیورٹی اہلکاروں نے داخلے سے روکا تو حملہ آور نے خود کو دھماکے سے اڑالیا۔
ایک بین الاقوامی خبر رساں ایجنسی نے وزارت اطلاعات کے حکام کا حوالہ دے کر دھماکے میں 20 افراد کی ہلاکت رپورٹ کی ہے۔
فی الحال کسی گروپ نے دھماکے کی ذمہ داری قبول نہیں کی، افغان وزارت خارجہ کی عمارت کے نزدیک ترکیے اور چین سمیت کئی ممالک کے سفارت خانے موجود ہیں۔
