وفاقی حکومت نے اسلام آباد کی اہم شاہراہ قومی ہیرو ارشد ندیم کے نام سے منسوب کرنے کا فیصلہ کرلیا۔
ڈان نیوز سے منسلک سینیئر صحافی کاشف علی عباسی نے ’ایکس‘ پر اپنی ایک پوسٹ میں لکھا کہ حکومت نے اہم شاہراہ ارشد ندیم کے نام سے منسوب کرنے کا اصولی فیصلہ کرلیا ہے۔
اسلام آباد کی اہم شاہراہ ارشد ندیم کے نام کرنے کا حکومت کا اصولی فیصلہ۔
Arshad Nadeem is national here!— Kashif Ali Abbasi (@AbbasiKashif833) August 13, 2024
واضح رہے کہ ارشد ندیم نے پیرس اولپمکس گیمز میں جیولین تھرو مقابلے میں شاندار کارکردگی کا مظاہرہ کرتے ہوئے پاکستان کے لیے 40 سال بعد گول میڈل جیتا۔
ارشد ندیم کی اس کامیابی پر ان کے لیے کروڑوں روپے کے انعامات کا اعلان کیا گیا ہے، آج وزیراعلیٰ پنجاب مریم نواز ان کے آبائی علاقے میاں چنوں پہنچیں جہاں انہیں 10 کروڑ روپے کا چیک دینے کے ساتھ اسپیشل نمبر پلیٹ والی گاڑی بھی ان کو تحفے میں دی۔
اس کے علاوہ ارشد ندیم وزیراعظم شہباز شریف کی دعوت پر اسلام آباد پہنچنے، جہاں ان کو اسٹیٹ پروٹوکول میں وزیراعظم ہاؤس پہنچایا گیا، اور اب ان کے اعزاز میں عشائیہ بھی دیا جائے گا۔
دوسری جانب کل ہونے والی یوم آزادی پاکستان کی تقریب میں بھی وہ وزیراعظم پاکستان کے ساتھ شریک ہوں گے۔
یہ بھی پڑھیں مریم نواز کی ارشد ندیم سے ملاقات، 10 کروڑ روپے چیک اور 92.97 اسپیشل نمبر کی گاڑی کا تحفہ
یاد رہے کہ ارشد ندیم نے جیولین تھرو کے مقابلے میں 92.97 میٹر کی تھرو پھینک کر فتح اپنے نام کی تھی، جبکہ ان کے حریف بھارتی ایتھلیٹ نیرج چوپڑا دوسرے نمبر پر رہے تھے۔
