ایم او ایل پاکستان آئل اینڈ گیس کمپنی، او جی ڈی سی ایل، پی پی ایل، پی او ایل اورجی ایچ پی ایل کے جائنٹ وینچر نے صوبہ خیبر پختونخوا کے ضلع کوہاٹ کے راضگر 1 میں لوک ہارٹ فارمیشن سے تیل و گیس کے نئے ذخائر دریافت کیے ہیں۔
مزید پڑھیں:پاکستان میں تیل و گیس کا بڑا ذخیرہ دریافت، یومیہ کتنے بیرل تیل حاصل ہوگا؟
ایم او ایل پاکستان، خیبر پختونخوا کے ٹل بلاک کے علاقوں میں جائنٹ وینچر آپریٹر کے طور پر کام جاری رکھے ہوئے ہے۔ آپریٹر کے جاری کردہ اعلامیہ کے مطابق کنویں پر کھدائی کے کام کا آغاز رواں سال 9 جنوری کو کیا گیا تھا۔
مزید پڑھیں:پاکستانیوں کے لیے اچھی خبر، تیل اور گیس کے نئے ذخائر دریافت
کنویں کو کامیابی کے ساتھ 3,773.98 میٹر گہرائی تک کھودا گیا۔ ابتدائی تخمینے کے مطابق کنویں سے روزانہ 17.9 ملین اسٹینڈرڈ مکعب فٹ گیس اور 153 بیرل تیل حاصل کیا جائے گا۔
