چیف آف آرمی اسٹاف جنرل سیّد عاصم منیر نے کہا ہے کہ ریاست کی یہ ذمہ داری ہے کہ عوام کو سوشل میڈیا سے پیدا شدہ ہیجان اور فتنے کے مضمرات سے دور رکھے، عوام، حکومت اور فوج کے درمیان مضبوط رشتہ ہی پاکستان کے تحفظ اور ترقی کا ضامن ہے۔
اسلام آباد میں قومی یوتھ کنونشن سے خطاب کرتے ہوئے آرمی چیف نے کہاکہ جو پاکستان کے ڈیفالٹ کا بیانیہ بنا رہے تھے، وہ آج کہاں ہیں؟۔
یہ بھی پڑھیں میں اور آرمی چیف یکجان دو قالب ہوکر پاکستان کو عظیم بنانے کے لیے کام کررہے ہیں، وزیراعظم شہباز شریف
انہوں نے نوجوانوں کو مخاطب کرتے ہوئے کہاکہ آپ کی آنکھوں کی چمک دیکھ کر یہ یقین ہو جاتا ہے کہ پاکستان کا مستقبل محفوظ ہاتھوں میں ہے۔ آزاد ریاست کی اہمیت جاننی ہے تو لیبیا، شام، کشمیر، اور غزہ کے عوام سے پوچھو۔
’بحیثیت مسلمان ہمیں ناامیدی سے منع کیا گیا ہے‘
انہوں نے نوجوانوں کو مخاطب کرتے ہوئے کہاکہ علم انسان کو دوسروں سے ممتاز کرتا ہے، بحیثیت مسلمان ہمیں نا امیدی سے منع کیا گیا ہے۔
آرمی چیف نے کہاکہ زندگی امتحان کا نام ہے، اور قرآن کی آیت پڑھیں ’کیا لوگ یہ سمجھے بیٹھے ہیں کہ صرف یہ کہنے پر چھوڑ دیے جائیں گے کہ ہم ایمان لائے، اور ان کی آزمائش نہ ہو گی‘؟
انہوں ںے کہاکہ پاکستان کا سب سے بڑا اور قیمتی سرمایہ ہمارے نوجوان ہیں، ہم کسی صورت اسے ضائع نہیں ہونے دیں گے۔
خطاب کے اختتام میں آرمی چیف نے نوجوانوں کو علامہ اقبال کا یہ شعر سنایا:
افراد کے ہاتھوں میں ہے اقوام کی تقدیر
ہر فرد ہے ملت کے مقدر کا ستارہ
’آرمی چیف نے نوجوانوں کے سوالوں کے جوابات دیے‘
خطاب کے بعد وقفہ سوالات کے دوران نوجوانوں کے سوالات کے جواب میں چیف آف آرمی اسٹاف نے پاک فوج کا مؤقف بیان کیا۔
پارا چنار میں فسادات پر سوال کے جواب میں آرمی چیف نے کہاکہ قبائل مل بیٹھ کر زمینی اور فروعی تنازعات ختم کرنے میں مدد دیں۔ خیبرپختونخوا کے عوام 22 سال سے پاک فوج کے ساتھ مل کر دہشتگردی کے خلاف سیسہ پلائی ہوئی دیوار کی مانند کھڑے رہے۔
یہ بھی پڑھیں افواج پاکستان کو کمزور کرنا پاکستان کو کمزور کرنے کے مترادف ہے، آرمی چیف کا کاکول اکیڈمی میں خطاب
انہوں نے کہاکہ میرا یہ ایمان ہے کہ اللّٰہ تعالیٰ ہمیں دہشتگردی کے خلاف فتح مبین عطا کرے گا۔
