ایران میں ٹریفک حادثے میں جاں بحق پاکستانی زائرین کی 28 میتیں سی 130 طیارے کے ذریعے آج سکھر لائی جائیں گی۔ انتظامیہ کے مطابق 15 زخمی بھی خصوصی طیارے سے سکھر پہنچیں گے۔ حادثے میں جاں بحق ہونے والوں میں بیشتر کا تعلق لاڑکانہ، خیرپور اور کندھکوٹ سے ہے۔
مزید پڑھیں:ایران میں پاکستانی زائرین کی بس کو حادثہ کیوں پیش آیا؟ ہوشربا انکشاف
کمشنر سکھر فیاض عباسی کے مطابق آج ایران سے سی 130 طیارے کے ذریعے زائرین کی 28 میتیں اور 15 زخمی سکھر ایئرپورٹ پہنچیں گے جہاں سے میتیوں اور زخمیوں کو ان کے آبائی علاقوں کی جانب روانہ کیا جائے گا۔
واضح رہے کہ لاڑکانہ سے زائرین کو ایران لے جانے والی بس 2 روز قبل حادثے کا شکار ہوگئی تھی جس میں 35 افراد جاں بحق اور 15 سے زائد زخمی ہوگئے تھے۔
