چیف جسٹس سندھ ہائیکورٹ نے 6سیشن ججز کے تقرری و تبادلے کا نوٹیفکیشن جاری کردیا، نوٹیفکیشن کے مطابق 3ججز کی تقرریاں اور 3ججز کے تبادلے ہوئے۔
سندھ ہائیکورٹ کی جانب سے جاری کردہ نوٹیفکیشن کے مطابق ڈسٹرکٹ اینڈ سیشن جج حیدرآباد ظہوراحمد ہیکڑو کو سیشن جج ملیر مقرر کردیا گیا ہے۔ جبکہ ڈسٹرکٹ اینڈ سیشن جج دادو غلام شاہ کو ڈسٹرکٹ جج حیدرآباد مقرر کیا گیا ہے۔
نوٹیفکیشن کے مطابق ڈسٹرکٹ جج میرپور خاص محمد یاسین کا تبادلہ کرتے ہوئے ڈسٹرکٹ جج دادو مقرر کیا گیا ہے۔ اسی طرح ڈسٹرکٹ جج مٹھی غلام حسین تالپور کو ڈسٹرکٹ جج میرپور خاص مقرر کردیا گیا ہے۔
مزید پڑھیں: 27ویں چیف جسٹس سندھ ہائیکورٹ جسٹس محمد شفیع صدیقی کون ہیں؟
سندھ ہائیکورٹ نے ڈسٹرکٹ جج محمد احسن خان درانی کو ڈسٹرکٹ جج مٹھی مقرر کیا ہے جبکہ ڈسٹرکٹ جج محترمہ انا جونیجو کو جوڈیشل اکیڈمی میں فیکلٹی ممبر مقرر کردیا گیا ہے۔
واضح رہے سندھ ہائیکورٹ کی جانب سے ججز کی تقرریوں اور تبادلوں کا نوٹیفکیشن گزشتہ روز جاری کیا گیا جس میں 6 ججز کی تقرریاں و تبادلے شامل ہیں۔
