ملک میں شدید بارش کے باعث ملکی و غیر ملکی پروازوں کا شیڈول درہم برہم ہوکر رہ گیا ہے، 30 سے زائد پروازیں منسوخ کردی گئی ہیں۔
میڈیا رپورٹس کے مطابق خراب موسم کے باعث اسلام آباد انٹرنیشنل ایئرپورٹ سے مختلف شہروں کے لیے شیڈول 9 پروازیں منسوخ کر دی گئی ہیں، اسلام آباد تا دبئی کی پی آئی اے کی پروازیں پی کے 211، 212 اور اسلام آباد تا کراچی کی 3 پروازیں پی ایف 125، 126، ای آر 501 منسوخ کردی گئی ہیں۔
یہ بھی پڑھیں: تکنیکی خرابی، کراچی ایئرپورٹ پر متعدد اندرون ملک پروازیں منسوخ
اسلام آباد سے اسکردو کی پی آئی اے کی پروازیں پی کے 251، 252، پی کے 631، 632 بھی منسوخ کر دی گئی ہیں۔
اسلام آباد تا کراچی کی پرواز پی کے 368 بھی تاخیر کا شکار ہے، اسلام آباد سے کراچی کی پرواز پی کے 309 بھی تاخیر کا شکار، کراچی سے اسلام آباد پرواز پی کے 308 پونے 7 گھنٹے تاخیر سے رات 10 بجے اسلام آباد پہنچے گی، سیالکوٹ سے مسقط کی پرواز پی کے 281 کی روانگی میں سوا 7 گھنٹے کی تاخیر ہے۔
یہ بھی پڑھیں: یورپ سمیت دنیا بھر میں آئی ٹی بندش سے کاروبار زندگی متاثر، بیشتر پروازیں معطل
لاہور سے کوئٹہ پی کے 322، 323 کی پروازیں ڈیڑھ گھنٹہ، لاہور سے دوحا کی پرواز پی کے 279 کی روانگی میں سوا گھنٹہ جبکہ فیصل آباد سے کراچی کی پرواز پی کے 341 دو گھنٹے تاخیر کا شکار ہوئی ہے۔
اسلام آباد سے کراچی کی پرواز پی اے 201 پانچ گھنٹے تاخیر سے شام 3:50 بجے جائے گی، اسلام آباد تا دبئی کی پرواز ای آر 701 رات 11 بجے روانہ ہو گی، اسلام آباد سے کراچی کی پرواز پی کے 301 بھی تاخیر کا شکار ہوئی، کراچی سے اسلام آباد کی پرواز پی کے 300 بھی شیڈول پر روانہ نہ ہوسکی۔
یہ بھی پڑھیں: پی آئی اے نے دوران پرواز تصویر اور ویڈیو بنانے پر پابندی کیوں عائد کی؟
کراچی سے جدہ، دمام، دبئی، بغداد کی پروازوں کی آمد اور روانگی بھی تاخیر کا شکار ہے، اسلام آباد سے ریاض، شارجہ، دمام، دوحہ دبئی کی پروازوں کی آمد اور روانگی میں بھی تاخیر ہے۔
اسلام آباد تا ریاض کی پرواز پی کے 753 ساڑھے 4 گھنٹے تاخیر کے بعد رات 12 بجے جائے گی۔
یہ بھی پڑھیں: ملک بھر میں بارشوں کے باعث 30 پروازوں کا شیڈول بری طرح متاثر
مسقط تا سیالکوٹ پروازیں او وی 505، 506 میں 2 گھنٹے کی تاخیر کا شکار ہیں، لاہور تا استنبول کی پرواز ٹی کے 714، 715 کی آمد و روانگی میں 1 گھنٹہ تاخیر ہوئی۔
