سینیئر وزیر پنجاب مریم اورنگزیب نے کہا کہ ریاست کے خلاف منصوبہ بندی کرنے کے جرم کی کوئی معافی نہیں، جلسی کریں روئیں، پیٹیں یا چیخیں ماریں، سزا تو ملے گی۔
مریم اورنگزیب نے پریس کانفرنس کرتے ہوئے کہا کہ نئے نیب قانون کے تحت ریلیف کی پہلی درخواست 9مئی کے مجرم نے دی، کہتا ہے قانون چوروں کو بچانے کے لیے بنایا گیا اور این آر او کی پہلی درخواست موصوف کی اپنی ہے۔
مزید پڑھیں: پی ٹی آئی جلسہ: جڑواں شہروں میں کنٹینرز کی بھرمار، سخت سیکیورٹی اور پولیس کی بھاری نفری تعینات
انہوں نے کہاکہ پی ٹی آئی والے این آر او بھی مانگتے ہیں اور جلسی بھی کرتے ہیں، جلسی 9مئی اور ریاست کیخلاف منصوبہ سازی کے جرم سے بچنے کے لیے این آر او کی بھیک ہے۔
ان کا کہنا تھا کہ نیب قانون کو چوروں کا قانون کہنے والے نے خود سب سے پہلے ریلیف کی درخواست کیوں دی؟ 190ملین پاؤنڈ کا مجرم دوسروں پر کیچڑ اچھالنے کی آڑ میں خود این آر او لے کر بھاگنا چاہتا ہے۔
یہ بھی پڑھیں: پی ٹی آئی کارکنان کو پیشگی مبارکباد، مقصد میں کامیاب ہوگئے ہیں، بیرسٹر سیف
مریم اورنگزیب نے کہا کہ بانی پی ٹی ہر روز این آر او کی بھیک مانگتا ہے، لیکن جرم کا حساب نہیں دیتا۔ جنہیں چور کہا جاتا تھا وہ خود اس شخص کے ظلم کا نشانہ بنے، ہر الزام کا جواب دیا، قید کاٹی اور عدالتوں سے سرفراز ہوئے جبکہ این آر او کی بھیک نہیں مانگی۔
