خیبر پختونخوا میں کلاس فور کی نوکری کے لیے پی ایچ ڈیز اور ایم فل ڈگری ہولڈر امیدواروں کی جانب سے درخواستیں جمع کرانے کا انکشاف ہوا ہے۔
پیپلز پارٹی کے رکن صوبائی اسمبلی احسان اللہ میانخیل نے معاملے پر اسمبلی سیکریٹریٹ میں توجہ دلاؤ نوٹس جمع کرایا، جس میں کہا گیا ہے کہ ڈیرہ اسماعیل خان (ڈی آئی خان) میں کلاس فور کی اسامیوں کے لیے پی ایچ ڈیز، ایم فل اور ماسٹر ڈگری ہولڈرز نے درخواستیں جمع کرائی ہیں۔
مزید پڑھیں:آئینی ترامیم بل پاس ہونا تو دور کی بات آئندہ کسی کی جرات نہیں کہ بل پیش کرے، علی امین گنڈا پور
توجہ دلاؤ نوٹس میں کہا گیا ہے کہ ڈی آئی خان، وزیراعلیٰ علی امین گنڈا پور کا آبائی ضلع ہے۔ صوبائی حکومت پی ایچ ڈی مکمل کرنے والوں کے لیے پروفشنل الاؤنس پروگرام کا اجرا کریں۔ تعلیم یافتہ نوجوانوں کو مایوسی سے بچانا ضروری ہے۔
