چیئرمین پی ٹی آئی عمران خان کے خلاف عسکری اداروں کے افسران کے خلاف بات کرنے پر تھانہ رمنا اسلام آباد میں مقدمہ درج کیا گیا ہے۔ 6 اپریل کو درج کیے گئے مقدمہ کے مطابق عمران خان کا نجی چینل پر انٹرویو نشر ہوا جس میں حساس ادارے کے آفیسر کے متعلق نازیبا الفاظ استعمال کیے۔ انہوں نے فوجی افسران اور ان کے اہل خانہ کی زندگیوں کو خطرے میں ڈالا۔
ایف آئی آر میں کہا گیا ہے کہ حساس اداروں کے مختلف افسران کے نام لے کر انہیں بدنام کرنے کی کوشش کی گئی ۔ ملزم عمران خان اپنے مذموم ارادوں کے لیے سوشل میڈیا کا بھی سہارا لیتا ہے۔
مزید یہ کہ ملزم عمران خان کا یہ عمل ملک و ریاست کی سالمیت کے لیے خطرہ ہے۔ ملزم نے اپنی تقاریر سے فوج، مختلف گروہوں اور طبقوں میں انتشار پھیلایا۔ ایف آئی آر مجسٹریٹ منظور احمد کی مدعیت میں درج کی گئی ہے۔
