پاکستان نے انگلینڈ کے خلاف ملتان میں کھیلے جانے والے پہلے ٹیسٹ میچ کے لیے پلیئنگ الیون کا اعلان کردیا، بیٹنگ لائن برقرار رکھی گئی۔ عامر جمال کی شمولیت کے ساتھ پہلے ٹیسٹ میچ میں پاکستان ٹیم 3 فاسٹ بولر اور ایک ریگولر اسپنر کے ساتھ میدان میں اترے گی۔
فائنل الیون میں کپتان شان مسعود، سعود شکیل، بابر اعظم، صائم ایوب اور عبداللّٰہ شفیق ٹیم شامل ہیں۔ محمد رضوان، سلمان علی آغا اور عامر جمال بھی پلیئنگ الیون کا حصہ ہیں۔ شاہین آفریدی، نسیم شاہ اور ابرار احمد ٹیم میں موجود ہیں۔
مزید پڑھیں: ملتان: انگلینڈ کی پلیئنگ الیون کا اعلان، پہلے ٹیسٹ سے بین اسٹوک آؤٹ
اس موقع پر کپتان شان مسعود کا کہنا تھا کہ انگلینڈ کے بین اسٹوکس دنیا کے بہترین آلراؤنڈر ہیں۔ انگلینڈ کی ٹیم ان کے بغیر بھی کھیلی ہے، اسٹوکس کے بغیر کھیلنے کا نقصان ضرور ہوگا۔ ان کی پلیئنگ الیون اچھی اور متوازن ہے۔
شان مسعود نے کہا کہ عامر جمال کے آنے سے ٹیم کو فائدہ ہوگا، تسلسل لانے کے لیے بیٹنگ لائن کو برقرار رکھا گیا ہے، ہماری یہ بیسٹ پلیئنگ الیون ہے۔
’ماضی میں ہم قریب آکر ہارتے رہے ہیں، اب ہمیں اپنی مضبوط کرکٹ کھیلنا ہوگی‘۔
کپتان کا کہنا تھا کہ انگلینڈ کے پاس اچھے سیمرز ہیں، ہم غلط اندازہ نہیں لگا سکتے فاسٹ بولرز میں ورک لوڈ مینجمنٹ کے لیے روٹیشن پالیسی لانا پڑتی ہے۔ عامر جمال نے آسٹریلیا میں اچھا پرفارم کیا ہے اس لیے 8 نمبرتک بیٹنگ کی۔
مزید پڑھیں: انگلینڈ پاکستان کو آسان حریف سمجھنے کی غلطی نہ کرے، ناصر حسین نے خبردار کردیا
انہوں نے کہا کہ ٹیسٹ میچ 5دن کا کھیل ہے، اس لیے آپ حکمت عملی ایک نہیں رکھ سکتے، بیٹرز کی صورتحال تھوڑی مختلف ہوتی ہے، اور پچ کی کنڈیشن بھی اکثر بدلتی رہتی ہے۔
واضح رہے کہ انگلینڈ پہلے ہی اپنی پلیئنگ الیون کا اعلان کرچکی ہے، انگلینڈ کے کپتان بین اسٹوکس انجری کے باعث پلیئنگ الیون کا حصہ نہیں ہیں۔ تاہم، ان کی جگہ ملتان ٹیسٹ میں اولی پوپ ٹیم کی قیادت کریں گے۔
