معروف بھارتی ریپر اور گلوکار یو یو ہنی سنگھ کا ایک ویڈیو کلپ سوشل میڈیا پر وائرل ہو رہا ہے جس میں وہ صحافی سے سوال کرتے ہیں کہ ان کا تعلق پنجاب کے کس علاقے سے ہے جس پر صحافی کا کہنا تھا کہ ان کا تعلق لاہور سے ہے۔
لاہور کا نام سنتے ہی ہنی سنگھ کہتے ہیں ’شہزادہ لگیا ایں‘ ، ’شیر اے ببر شیر، چیتا لگیا ایں‘۔ ساتھ ہی وہ کہتے ہیں کہ انہیں لاہوری ناشتہ سری پائے اور چکڑ چھولے کا بھی پتہ ہے۔ گلوکار نے صحافی کو کہا کہ ان الفاظ سے اندازہ لگا لیں کہ انہیں لاہور کے بارے میں کتنا علم ہے۔
یو یو ہنی سنگھ کا مزید کہنا تھا کہ پنجاب ایک ہی ہے۔ انگریزوں نے ہمیں الگ کر دیا اور اب ہمیں پنجاب کو اکٹھا کرنا ہے، ان کا مزید کہنا تھا کہ وہ لاہور بھی آنا چاہتے ہیں۔
ویڈیو سوشل میڈیا پر وائرل ہوئی تو صارفین نے اس پر مختلف قسم کے ردعمل کا اظہار کیا۔ ایک صارف نے کہا کہ لاہور صرف ایک نام نہیں لاہور ایک برانڈ ہے۔
لاہور صرف ایک نام نہیں لاہور ایک برانڈ ہے❣️ pic.twitter.com/W1lAUghNa8
— میاں عامر 🦁 (@LegiMian) October 7, 2024
زبیر فیصل عباسی نے ویڈیو پر یویو ہنی سنگھ کو مخاطب کرتے ہوئے لکھا کہ پھر لاہور میں ایک کنسرٹ ہو جائے۔
ہو جائے فیر اک کنسرٹ لاہور وچ 👏👏👏 https://t.co/qwilZYAwov
— Zubair Faisal Abbasi (@zubairabbasi) October 7, 2024
تحریم لکھتی ہیں کہ ہنی سنگھ کو لاہور کے بارے میں سارا پتہ ہے اور وہ یہ بھی جانتے ہیں کہ لاہور شیروں کا شہر ہے۔
ہنی سنگھ کو سارا پتہ ہے اور یہ بھی پتہ ہے لاہور شیروں کا شہرہے❣️🦁🐯❣️ https://t.co/2etiEIkHPF
— 🇵🇰Têhréém (@tehree19) October 7, 2024
ایک صارف نے مزاحیہ انداز اپناتے ہوئے لکھا کہ باقی سب تو ٹھیک ہے لیکن لاہور والے راستہ غلط بتاتے ہیں۔
پر بھائی لاہور والے راستہ غلط بتاتے ہیں🤣
— نواب (@AbdTanoli786) October 7, 2024
عاطف رؤف لکھتے ہیں ’جنے لاہور نئیں ویکھیا او جمیا ای نئیں‘۔
جنے لاہور نہیں ویکھیا اوہ جمیا ہی نہیں 🤝
— Atif Rauf (@Atifrauf79) October 7, 2024
اپنے ایک انٹرویو میں گلوکار ہنی سنگھ نے انکشاف کیا تھا کہ ان کے آباؤ اجداد کا تعلق لاہور سے ہے۔ وہ چاہتے ہیں کہ لاہور شہر کا دورہ کریں اور وہ پاکستان میں جاکر ننکانہ صاحب بھی جانا چاہتے ہیں اور وہاں اپنے خاندان لوگوں اور مداحوں سے ملنا چاہتے ہیں۔
واضح رہے کہ یو یو ہنی سنگھ حال ہی میں متحدہ عرب امارات (یو اے ای) میں ہونے والے آئیفا ایوارڈز کی تقریب میں شریک ہوئے، جہاں صحافیوں نے ان سے پاکستانی مداحوں اور گلوکاروں سے متعلق سوال کیا جس کے جواب میں ان کا کہنا تھا کہ پاکستان سے ان کے بہت سارے پسندیدہ گلوکار ہیں، جن میں مہدی حسن، غلام علی، علی عظمت، عاطف اسلم، مہوش حیات، صنم ماروی، منصور ملنگی، اللہ دتا لونیا والا اور ندیم عباس سکھیرا شامل ہیں۔