پاکستان میں پولیو کے 4 مزید کیسز سامنے آ گئے۔ مجموعی تعداد 32 ہوگئی، ماہرین نے اکتوبر میں مزید کیسز سامنے آنے کا خدشہ ظاہر کردیا۔
پولیو کیسز جیکب آباد، کراچی کے ضلع ملیر اور ڈیرہ اسماعیل خان میں سامنے آئے۔
یہ بھی پڑھیے پولیو مہم کے پہلے دن ہی 27 فیصد والدین نے بچوں کی ویکسینیشن سے انکار کیوں کیا؟
جیکب آباد کی تحصیل ٹھل میں 32 مہینے کی بچی اور 18 مہینے کا بچہ پولیو وائرس سے متاثر ہوا۔ جبکہ کراچی کے ضلع ملیر کی تحصیل بن قاسم میں 72 مہینے کا بچہ پولیو سے متاثر ہوا۔ علاوہ ازیں خیبر پختون خوا کے ضلع ڈیرہ اسماعیل خان میں 22 مہینے کا بچہ پولیو سے متاثر ہوا۔
یہ بھی پڑھیے پاکستان میں پولیو کو اب تک کیوں ختم نہیں کیا جا سکا؟
پاکستان میں پولیو سے متاثر ہونے والے بچوں کی مجموعی تعداد 32 ہوچکی ہے۔
پاکستانی حکام اور بین الاقوامی ماہرین نے خدشہ ظاہر کیا ہے کہ اکتوبر کے مہینے میں مزید کئی بچے پولیو سے متاثر ہو سکتے ہیں۔
ماہرین کے مطابق پاکستان میں اس سال کے آخر تک پولیو سے متاثر ہونے والے بچوں کی تعداد 55 سے 65 تک پہنچ سکتی ہے۔
