پاکستان تحریک انصاف عمران خان کے ذاتی معالج ڈاکٹر عاصم حسین اڈیالہ جیل پہنچ گئے۔
ملاقات ہوجانے کی صورت میں ڈاکٹر عاصم حسین بانی پی ٹی آئی کا طبی معائنہ کریں گے۔
جیل ذرائع کا کہنا ہے کہ شوکت خانم کے سی ای او ڈاکٹر عاصم حسین کو تاحال بانی پی ٹی آئی سے ملاقات کی اجازت نہیں ملی ہے۔
ڈاکٹر عاصم حسین بانی پی ٹی آئی سے ملاقات کے لیے اڈیالہ جیل کے باہر ہی موجود ہیں۔
یاد رہے کہ پی ٹی آئی نے عمران خان کی سرکاری ڈاکٹرز کی ٹیم کے ذریعے طبی معائنے کی پیشکش قبول کرتے ہوئے 15 اکتوبر کا اسلام آباد کے ڈی چوک میں ہونے والا اپنا احتجاج مؤخر کردیا۔
چیئرمین پی ٹی آئی بیرسٹر گوہر کی زیرصدارت سیاسی کمیٹی کے اجلاس میں احتجاج مؤخر کرنے کا فیصلہ کیا گیا تھا۔عمران خان کے معالج آج اڈیالہ جیل پہنچ بھی چکے ہیں اور بانی پی ٹی آئی سے ملاقات کے منتظر ہیں۔
