ہونڈا گاڑیاں اب قسطوں پر بھی دستیاب، مگر کیسے؟

کاروں کے شوقین افراد کے لیے دلچسپ خبر یہ ہے کہ ہونڈا کارز پاکستان نے قسطوں پر گاڑی حاصل کرنے کی نئی آفر پیش کردی، جس کے تحت گاڑی کا حصول اب آسان ہوگیا ہے۔

ہونڈا کاروں پر آفر

گاڑی بنانے والی کمپنی نے اعلان کیا ہے کہ اب آپ صرف 70 ہزار روپے سے شروع ہونے والی کم سے کم ماہانہ قسط کے ساتھ کسی بھی قسم کی ہونڈا گاڑی کو فائنانس کرسکتے ہیں اور یہ ڈیل آپ کو سستی ادائیگی کے اختیارات کے ساتھ کسی بھی ہونڈا گاڑی کے مالک بننے کا بہترین موقع فراہم کرتی ہے۔

بینک الفلاح کا ’آٹو لون پروگرام‘ متعدد مراعات کے ساتھ دستیاب ہے، جو آپ کے لیے اپنی ہونڈا کی مالی معاونت کو آسان بناتا ہے، جس کے تحت آپ اپنے قرض کو اپنی اقتصادی حالت کے مطابق ادائیگی کی مختلف شرائط کے ساتھ حسب ضرورت تشکیل دے سکتے ہیں۔

یہ بھی پڑھیں: ہونڈا اور نسان کا مل کر الیکٹرک کار بنانے کا فیصلہ

اس پروگرام کی دوسری اہم خصوصیت کم سے کم ادائیگی ہے، اب آپ کم ابتدائی ادائیگی کے ساتھ اپنی گاڑی کا قبضہ حاصل کرسکتے ہیں، اس کے علاوہ مسابقتی شرح سود کی سہولت بھی صارفین کے لیے سودمند ہوسکتی ہیں۔