وزیر دفاع خواجہ آصف کا ایک کلپ سوشل میڈیا پر وائرل ہو رہا ہے جس میں وہ ججز کی تنخواہوں اور پینشن کے بارے میں بات کرتے دکھائی دے رہے ہیں۔
خواجہ آصف کا کہنا ہے کہ ججز کو دوران ملازمت 16،16 لاکھ روپے تنخواہ ملتی ہےاور اتنی ہی ان کی پینشن ہوتی ہے جبکہ ریٹائرمنٹ کے بعد گاڑیاں اور گارڈز الگ سے فراہم کیے جاتے ہیں اور اگر خدانخواستہ کوئی وفات پا جائے تو وہی پینشن ان کی بیوہ کو مل جاتی ہے لیکن سیاستدانوں کو کچھ بھی نہیں ملتا، نہ پینشن ہوتی ہے اور نہ ہی بعد میں کوئی مراعات دی جاتی ہیں۔
خواجہ آصف کا کہنا تھا کہ ہمیں کوئی الاؤنس نہیں دیا جاتا اور کہا جاتا ہے گیس اور بجلی مفت ملتی ہے ایسا کچھ نہیں ہے ہمیں کچھ بھی مفت فراہم نہیں کیا جاتا اور جس دن سیاست چھوڑوں گا مجھے ایک ٹکا بھی نہیں دیا جائے گا۔
ہمیں تو ٹکہ نہیں ملتا
خواجہ آصف صاحب ججز کی تنخواہوں اور پینشن کا زکر کرتے ہوئے آبدیدہ ہوگئے
وہ جو میرے ہمسائے میں بلڈنگ ہے
انکی سولہ سولہ لاکھ تنخواہیں ہیں اور اتنی ہی انکی پینشن ہے اور ریٹائرمنٹ کے بعد گاڑیاں گارڈ الگ سے اگر خدانخواستہ کوی مر جائے تو وہی تنخواہ انکی بیوہ کو… pic.twitter.com/Gr0RCs153w— Haroon Anjum (@_Haroon79) October 26, 2024
وزیر دفاع کا یہ کلپ سوشل میڈیا پر وائرل ہوا تو صارفین کی جانب سے اس پر مختلف تبصرے کیے گئے، ضمیر حسین لکھتے ہیں کہ ججز حضرات کے لیے بھی قانون میں ترمیم قانون کرنی چاہیے کیونکہ اتنی زیادہ مراعات لینے باجود غریب لوگ عدالتوں میں خوار ہو رہے ہیں۔
ججز حضرات کے لیے بھی ترمیم قانون کرنی چاہیے اتنی ذیادہ مرعات لینے باجود غریب رل رہے ہیں عدالتوں میں https://t.co/5lPySTNdPE
— Zamir Hassen (@HassenZamir) October 27, 2024
ایک صارف نے خواجہ آصف کو مخاطب کرتے ہوئے لکھا کہ اس وقت آپ خود اقتدار میں ہیں ججز کی تنخواہوں اور پینشن پر نظر ثانی کریں آپ کو کون روک رہا ہے۔
اس وقت اقتدار میں ھو۔ ان کی تنخواہوں ، اور پنشن پر نظر ثانی کرونا تمھیں کون روکتا ھے۔ ڈرامے باز https://t.co/o91ZdC5s1g
— Aqeel (@Aqeel3828) October 27, 2024
عائشہ نامی صارف نے سوال کیا کہ سارے سیاستدان خاص طور پر سیاست میں داخل ہوتے ہی اس قدر مالدار کیسے ہو جاتے ہیں؟
تو پھر یہ سارے کے سارے سیاستدان اس قدر مالدار کیسے ہو جاتے ئیں! خاص تور پر جیسے ہی سیاست میں داخل ہوتے ہیں ! https://t.co/43V26uMd9E
— Aysha_O (@raheela_nzr) October 27, 2024
ایک ایکس صارف نے کہا کہ ججز نے قانون کے امتحان پاس کیے ہیں، آپ بھی یہ امتحان پاس کر لیتے اور 16، 16 لاکھ روپے تنخواہ لے لیتے۔
ججوں نے قانون کے امتحان پاس کئے ہیں۔ آپ بھی کر لیتے اور کما لیتے سولہ لاکھ۔
— Detached observer (@sirius1_1_1) October 27, 2024
