پاکستان کی سپر اسٹار ماہرہ خان کو فیشن شو میں ریمپ واک کرنے پر شدید تنقید کا نشانہ بنایا جارہا ہے جبکہ صارفین ان کے واک کرنے کے انداز پر دلچسپ تبصرے بھی کررہے ہیں۔
سوشل میڈیا پر ایک ویڈیو وائرل ہے جس میں اداکارہ ماہرہ خان ایک فیشن شو میں پرجوش انداز میں واک کرتی نظر آئیں۔ تاہم مداحوں کو اداکارہ و ماڈل کا یہ انداز بلکل پسند نہیں آیا اور انہوں نے ماہرہ خان کو شدید تنقید کا نشانہ بنایا۔
View this post on Instagram
ویڈیو وائرل ہوئی تو سوشل میڈیا صارفین اس پر مختلف تبصرے کرتے نظر آئے، ان تمام تبصروں میں کوئی بھی ماہرہ خان کے کی اس ریمپ واک کی تعریف کرتا نظر نہیں آیا، ایک صارف نے لکھا کہ انہیں لگا ماہرہ خان اڑنے لگی ہیں۔
شائستہ وسیم نامی صارف نے ماہرہ خان کی ریمپ واک پر تبصرہ کرتے ہوئے لکھا کہ اسے واک کون کہتا ہے جبکہ نورین خان نے لکھا کہ ماہرہ خان واک کر رہی ہیں یا ڈانس کرتے ہوئے آ رہی ہیں۔ ایک صارف نے لکھا کہ ماہرہ اوور ایکٹنگ کر رہی ہیں۔
ویڈیو کے کمنٹ سیکشن میں ناقدین نے ماہرہ کو آڑے ہاتھوں لیتے ہوئے کہا کہ ایسا لگ رہا ہے ماہرہ کشتی لڑنے آرہی ہیں۔
کئی صارفین نے ماہرہ خان کو پاگل قرار دیا تو کسی نے کہا کہ ایسا لگ رہا ہے ماہرہ خان گرنے والی ہیں۔ ایک صارف نے تو حد ہی کردی اور لکھا، ’باجی کو اسپرنگ لگ گئے ہیں، ٹک ہی نہیں رہیں۔‘
یاد رہے کہ یہ پہلی مرتبہ نہیں جب ماہرہ کو تنقید کا نشانہ بنایا گیا ہو اس سے قبل بھی اداکارہ کو کئی مرتبہ تنقید کا سامنا کرنا پڑ چکا ہے۔
