معروف اسٹیج اداکارہ نرگس کو ان کے شوہر نے مبینہ طور پر تشدد کا نشانہ بنایا ہے۔
اداکارہ نرگس پر شوہر کے مبینہ تشدد کی اطلاع لاہور ون فائیو پولیس کو اداکارہ کے بھائی خرم بھٹی نے دی، جس کے بعد پولیس ایڈن سٹی میں واقع اداکارہ کے گھر پہنچ گئی۔
یہ بھی پڑھیں: عائشہ جہانزیب پر شوہر کا تشدد، اہم شخصیات، سوشل میڈیا صارفین کیا کہتے ہیں؟
اداکارہ نرگس کے بھائی نے پولیس کو بتایا کہ انسپکٹر ماجد بشیر روزانہ اس کی بہن پر تشدد کرتا ہے، انسپکٹر ماجد بشیر نے آج بھی اس قدر تشدد کیا کہ بہن کی حالت خراب ہوگئی۔
میڈیا رپورٹس کے مطابق، اداکارہ نرگس نے تاحال کارروائی کے لیے پولیس کو درخواست نہیں دی۔ پولیس کا کہنا ہے کہ درخواست موصول ہونے پر ہی اداکارہ کے شوہر کے خلاف کارروائی کی جائے گی۔
یہ بھی پڑھیں: اداکارہ ثنا نواز نےسابق شوہر فخر امام پر سنگین الزامات کیوں لگائے؟
واضح رہے کہ اداکارہ نرگس نے چند سال قبل انسپکٹر ماجد بشیر سے شادی کی تھی۔ اداکارہ نے شادی کے بعد شوبز کی دنیا کو خیرباد کہہ دیا تھا۔ وہ گزشتہ چند سالوں سے لاہور میں بیوٹی سیلون چلارہی ہیں۔
