گورنر سندھ کامران ٹیسوری نے کہا ہے کہ پی آئی اے سے ہمارے ملک اور نسلوں کی تاریخ جڑی ہے۔ کراچی کے تاجروں نے وابستگی کی وجہ سے پی آئی خریدنے میں دلچسپی لی ہے، کراچی کے تاجر مسلسل مجھ سے رابطہ کرکے ایئر لائن کے معاملے پر بات کررہے ہیں۔
سوشل میڈیا پلیٹ فارم ایکس پر اپنی پوسٹ میں گورنر سندھ کا کہنا تھا کہ کراچی کے تاجر چاہتے ہیں کہ ایک سال کے لیے پی آئی اے انہیں دی جائے، کراچی کے تاجر نئی ایئر لائن شروع کرنے میں بھی سنجیدہ ہیں۔
مزید پڑھیں:پی آئی اے کی خریداری: مریم اورنگزیب نے نواز شریف کے دعوے کی تردید کردی
انہوں نے مزید بتایا کہ میں نے کراچی کے تاجروں سے کہا ہے نئی ایئر لائن کا نام پی کے رکھیں، نئی ایئر لائن میں پی کا مطلب پاکستان، کے معنی کراچی ہوں گے۔ کراچی ایئر شروع کی گئی تو ملازمتوں کے مزید مواقع پیدا کیے جا سکتے ہیں۔ تاجروں کی آواز بن کر ملک کو روزگار اور لوگوں کو خوشحالی دینا چاہتا ہوں۔
پی آئی اے سے ہمارے ملک اور نسلوں کی تاریخ جڑی ہے. کراچی کے تاجروں نے وابستگی کی وجہ سے پی آئی اے لینے میں دلچسپی لی ہے، کراچی کے تاجر مسلسل مجھ سے رابطہ کرکےائرلائن کے معاملے پر بات کررہے ہیں، کراچی کے تاجر چاہتے ہیں، ایک سال کیلیے پی آئی اے انہیں دی جائے، کراچی کے تاجر نئی…
— Kamran Tessori (@KamranTessoriPk) November 4, 2024
واضح رہے کہ اس سے قبل خیبرپختونخوا حکومت بھی وزارت خزانہ کو خط لکھ کر پی آئی اے خریدنے میں دلچسپی کا اظہار کر چکی ہے۔ وہیں اگلے روز پنجاب حکومت کی جانب سے بھی پی آئی خریدنے اور اسے ایئر پنجاب کے نام سے چلانے کی خواہش کا اظہار کیا گیا تھا۔
