آریہ سیزن 3میں اے سی پی خان کا کردار ادا کرنے والے اداکار وکاس کمار نے انکشاف کیا ہے کہ سشمیتا سین جب شوٹنگ کے لیے جے پور پہنچیں تو انہیں دل کا دورہ پڑا۔
حال ہی میں ڈزنی پلس ہاٹ سٹار سیریز آریہ سیزن 3میں اے سی پی خان کا کردار ادا کرنے والے بھارتی اداکاروکاس کمار نے حال ہی میں ایک انٹرویو میں انکشاف کیا ہے کہ سشمیتا سین جب شوٹنگ کے لیے جے پور پہنچیں تو انہیں دل کا دورہ پڑا۔ اس کے بارے میں انہیں بعد میں پتہ چلا۔
اداکار وکاس کمار کا کہنا ہے کہ سشمیتا سین کو دل کا دورہ پڑنے کی وجہ سے آریہ سیزن 3کی شوٹنگ بھی روک دی گئی تھی۔
وکاس کمار نے ایک انڈین ٹیلی ویژن چینل کو انٹرویو دیتے ہوئے کہا کہ ہمیں آریہ سیزن 3کے بعض مناظر جے پور میں شوٹ کرنے تھے۔ ہم وہاں اترے لیکن بد قسمتی سے سشمیتا سین کو دل کا دورہ پڑا۔ ہمیں پہلے اس کے بارے میں معلوم نہیں تھا لیکن چند دن بعد جب سشمیتا سین نے اپنے ہارٹ اٹیک کی خبر دنیا کو بتائی تو ہمیں پتہ چلا۔
اداکار وکاس کمار کا مزید کہنا تھا کہ شروع میں سشمیتا بھی نہیں جانتی تھیں کہ ان کے ساتھ کیا ہوا ہے لیکن ٹیسٹ کروانے کے بعد انہیں پتہ چلا، تب انہوں نے ہارٹ اٹیک کی خبر دنیا کو بتائی۔
آریہ سیزن 3 کے اداکار کا مزید کہنا تھا کہ سشمیتا کی طبیعت خراب ہونے کے باعث ہم نے شوٹنگ بھی روک دی تھی۔
She is back, and she means business #HotstarSpecials #Aarya3, Now shooting. Coming soon. #AaryaS3OnHotstar@TheSushmitaSen @officialRMFilms @EndemolShineIND @RamKMadhvani @Amita_Madhvani #KapilSharma #ShraddhaPasi #SiaBhuyan #KhushbooAgarwalRaj #AmitRaj @anusinghc pic.twitter.com/fkwjP7PSgw
— Disney+ Hotstar (@DisneyPlusHS) January 30, 2023
رواں سال سشمیتا سین نے دل کا دورہ پڑنے کی خبر 2 مارچ کو بتائی تھی اوراس کے چند دن بعد انہوں نے اپنی انسٹا گرام پوسٹ میں لکھا تھا کہ ’مجھے چند دن پہلے دل کا دورہ پڑا،انجیو پلاسٹی کر دی گئی ہے اور اسٹنٹ بھی لگا دیا گیا ہے‘۔
کچھ دنوں بعد سشمیتا سین نے انسٹا گرام پر لائیو آ کر مداحوں کو بتایا کہ ہارٹ اٹیک کی وجہ سے ان کی ایک شریان میں 95فیصد رکاوٹ پیدا ہو گئی تھی۔
سشمیتا سین نے دل کا دورہ پڑنے کے بعد ٹیم آریہ کی طرف سے مدد فراہم کیے جانے پر شکریہ بھی ادا کیا تھا۔
رام مدھوانی کی ہدایت کاری میں بننے والی اس سیریز میں سشمیتا سین کے علاوہ،نمت داس، منیش چودھری،ونود راوت،وکاس کمار اور دیگر اداکار شامل ہیں۔
