اقوام متحدہ میں کشمیریوں کے حق خودارادیت سے متعلق پاکستان کی قرارداد منظور کرلی ہے۔
ریڈیو پاکستان کے مطابق، اقوام متحدہ کی جنرل اسمبلی میں غیرملکی اور غیرقانونی تسلط کا شکار کشمیری عوام کے لیے ایک قرارداد منظور کی گئی ہے جس میں ان کے حق خودارادیت کے لیے عالمی عزم کی تجدید کی گئی ہے۔
کشمیری عوام کے حق خودارادیت کی قرارداد اقوام متحدہ میں پاکستان کے مستقل مندوب ایمبیسیڈر منیر اکرم کی جانب سے پیش کی گئی تھی، جس کی 65 ممالک نے مشترکہ حمایت کی۔
یہ بھی پڑھیں: کشمیریوں کو حق خودارادیت کی فراہمی تک جنوبی ایشیا میں پائیدار امن ممکن نہیں، پاکستان
قرارداد کو اقوام متحدہ کی جنرل اسمبلی میں رائے شماری کے بغیر ہی منظور کرلیا گیا۔ اس قرار داد کی پاکستان 1981 سے حمایت کررہا ہے۔ قرارداد میں ان افراد کی طرف عالمی توجہ مبذول کرائی گئی ہے جو اپنے ناقابل تنسیخ حق خودارادیت کے لیے ابھی تک جدوجہد کررہے ہیں جن میں فلسطینی اور کشمیری شامل ہیں۔
