پاکستان تحریک انصاف (پی ٹی آئی) کے بانی چیئرمین عمران خان کو مزید 7 مقدمات میں گرفتار کرلیا گیا ہے۔
عمران خان کا کا تھانہ نیو ٹاؤن راولپنڈی مقدمے میں جسمانی ریمانڈ مکمل ہونے پر ان کا 14 روزہ جوڈیشل ریمانڈ منظور کرلیا گیا ہے۔ اس کے علاوہ بانی پی ٹی آئی کی 5 اکتوبر کے مزید 7 مقدمات میں گرفتاری بھی ڈال دی گئی ہے۔
یہ بھی پڑھیں: عوام کو احتجاج پر اکسانے کا کیس، عمران خان کے جسمانی ریمانڈ میں 6 روز کی توسیع
انسداد دہشتگردی عدالت کے جج امجد علی شاہ نے اڈیالہ جیل میں عمران خان کے خلاف مقدمات کی سماعت کی۔ پولیس کی استدعا پر دیگر 7 مقدمات میں بھی عمران خان کا 14 روزہ جوڈیشل ریمانڈ منظور کرلیا گیا ہے۔
واضح رہے کہ راولپنڈی کی انسداد دہشتگردی عدالت نے 26 نومبر کو بانی پی ٹی آئی عمران خان کا تھانہ نیو ٹاؤن میں درج مقدمے میں مزید 6 روزہ جسمانی ریمانڈ منظور کیا تھا۔
یہ بھی پڑھیں: عمران خان کے بلڈپریشر اور شوگر لیول سے متعلق جیل انتظامیہ کیا کہتی ہے؟
قبل ازیں، عدالت نے تھانہ نیو ٹاؤن کیس میں 21 نومبر کو عمران خان کا 5 روزہ جسمانی ریمانڈ منظور کیا تھا۔ تھانہ نیو ٹاؤن میں درج کیے گئے مقدمے میں عمران خان پر الزام ہے کہ انہوں نے 28 ستمبر کو عوام کو احتجاج پر اکسایا، جنہوں نے سرکاری املاک پر حملے کیے۔
