امریکا کے معروف اخبار واشنگٹن ایگزمینر نے اپنے ایک مضمون میں نو منتخب امریکی صدر ڈونلڈ ٹرمپ کو مشورہ دیا ہے کہ عمران خان اور ان کی سیاست سے تعلق امریکا اور امریکی مفاد کے لیے خطرناک ہیں۔ عمران خان کی سیاست امریکا دشمنی پر مبنی ہے، امریکا کسی طالبان ہمدرد کی حمایت نہیں کرسکتا۔
واشنگٹن ایگزمینر نے کہا ہے کہ عمران خان ایک متنازع شخصیت ہیں اور امریکی حکومت کسی نئے تنازعے کی متحمل نہیں ہو سکتی۔ پاک فوج اور امریکا کے تعلقات ہمیشہ خطے میں دیرپا امن کی ضمانت رہے ہیں۔ امریکی حکومت اور سیاست کی بہتری عمران خان سے دوری میں ہے۔
مضمون میں کہا گیا ہے کہ پاکستان اور امریکا کے تعلقات ہمیشہ دیرینہ اور مشترکہ مفادات پر مبنی رہے ہیں۔ عمران خان کی کسی قسم کی حمایت سے دو طرفہ تعلقات میں رخنے پڑ سکتے ہیں۔ عمران خان کی سیاست پاکستان کا اندرونی مسئلہ ہے۔ عمران خان اور ان کی سیاست سے تعلق امریکا اور امریکی مفاد کے لیے خطرناک ہو سکتا ہے۔
واشنگٹن ایگزمینر نے کہا کہ عمران خان کی سیاست امریکا دشمنی پر مبنی ہے۔ عمران خان نے اپنے سیاسی مفادات کے لیے امریکا مخالف مہم عوام میں مقبول بنائی۔ بین الاقوامی تعلقات عامہ کے حوالے سے عمران خان کی شخصیت پر اعتبار نہیں کیا جا سکتا۔ امریکا طالبان کی حمایت، دہشتگردی کے خلاف جنگ اور اسامہ بن لادن کے حوالے سے عمران خان کے نقطہ نظر کو سپورٹ نہیں کرسکتا۔ امریکا کسی طالبان ہمدرد کی حمایت نہیں کرسکتا۔
