قومی احتساب بیورو (نیب) کے چیئرمین لیفٹیننٹ جنرل ریٹائرڈ نذیر احمد بٹ نے کہا ہے کہ پاکستان کو قانونی امیگریشن کا چیلنج درپیش ہے۔ پچھلے سال 12 لاکھ پاکستانی ملک چھوڑ کر باہر گئے لیکن ہمیں اس بات کی تشویش ہے کہ جو پیسہ باہرگیا وہ قانونی طریقے سے گیا یا غیر قانونی طریقے سے، اور یہ جاننا ضروری ہے کہ یہ رقم کہاں سےآئی۔
یہ بیان سوشل میڈیا پر وائرل ہوا تو صارفین کی جانب سے اس پر شدید ردعمل سامنے آیا۔
صبیح کاظمی لکھتے ہیں کہ 12 لاکھ لوگ پاکستان سے اپنے زیورات، گھربار اور زمینیں بیچ کر گئے ہیں۔ ان کا کہنا تھا کہ کرائے، رہائش اورکھانے کے لیے جو پیسے نوجوان اپنے ساتھ لے کر گئے ہیں وہ ان کے اپنے تھے لیکن چیئرمین نیب اسے منی لانڈرنگ میں شامل کر رہےہیں۔
12 لاکھ لوگ پاکستان سے اپنے زیورات، گھر بار، زمنیں بیچ کر کرائی،رہائش، کھانے کے لیے جو پیسے اپنے ساتھ لے گیے جو ان کے اپنے تھے، وہ کیسے لے گیے، چیرمین نیب اسے منی لانڈرنگ میں شامل کررہاہے۔اندازہ کریں ان لوگوں کے ہاتھ ملک ہے،جہاں شہباز،نواز،زرداری کی منی لانڈرنگ تسلیم شدہ ہے۔ pic.twitter.com/Z17zWrqIIh
— Sabee Kazmi (@SabeeKazmi786) December 10, 2024
رائے ثاقب کھرل نے چیئرمین نیب کے بیان کو آڑے ہاتھوں لیتے ہوئے کہا کہ آپ نے اگر دیکھنا ہو کہ پاکستان کی حالت آج ایسی کیوں ہے تو چیئرمین نیب کا یہ بیان آپ کو سب سمجھا دے گا۔ انہوں نے مزید کہا کہ چیئرمین نیب نے کہا کہ 12 لاکھ لوگ پاکستان سے باہر چلے گئے لیکن ہمیں یہ دیکھنا ہے کہ یہ پیسہ باہر کیسے لے کر گئے۔ صارف نے چیئرمین نیب پر تنقید کرتے ہوئے کہا کہ 12 لاکھ لوگوں کا ملک چھوڑ دینا ان کے لیے مسئلہ نہیں ہے بلکہ پیسہ ملک سے باہر جانا مسئلہ ہے۔
آپ نے اگر دیکھنا ہو کہ پاکستان کی حالت آج ایسی کیوں ہے تو یہ ایک بیان چیئرمین نیب کا آپکو سب سمجھا دے گا۔
حضرت فرماتے ہیں بارہ لاکھ لوگ پاکستان سے باہر چلے گئے۔۔ لیکن ہمیں یہ دیکھنا ئے کہ یہ پیسہ باہر کیسے لے کر گئے۔۔ بارہ لاکھ لوگوں کا ملک چھوڑ دینا انکے کیے مئسلہ نہیں: ہیسے… pic.twitter.com/6J1E7U2AbE
— Rai Saqib Kharal (@iRaiSaqib) December 10, 2024
امجد خان نے چیئرمین نیب کی ویڈیو شیئر کی جس میں صحافی کاشف عباسی کا کہنا تھا کہ چیئرمین نیب لیفٹیننٹ جنرل ریٹائرڈ نذیر احمد بٹ کو اس بات پر تشویش ہونی چاہیے کہ لوگ ملک چھوڑ کر کیوں جا رہے ہیں؟ بجائے اس کے کہ پیسہ باہر کیسےگیا۔
پچھلے سال 12 لاکھ پاکستانی ملک چھوڑ کر باہر گئے لیکن ہمیں اس بات کی تشویش ہے کہ جو پیسہ باہرگیا وہ قانونی طریقے سے گیایا غیر قانونی طریقے سے!چیئرمین نیب
چیئرمین نیب کو اس بات پر تشویش ہونی چاہیے کہ لوگ ملک چھوڑ کر کیوں جا رہے ہیں؟ بجائے اس کے کہ پیسہ باہر کیسے گیا!کاشف عباسی ۔۔ pic.twitter.com/hI0jOvNYSY— AMJAD KHAN (@iAmjadKhann) December 10, 2024
ایک ایکس صارف کا کہنا تھا کہ جب لوگوں کو اہلیت اور میرٹ کی بجائے دوستی اور ذاتی تعلق کی بنیادوں پر اداروں میں لگایا جائے گا تو ملک کا بیڑہ غرق ہی ہوگا۔
ظاہر ہے جب لوگوں کو اہلیت اور میرٹ کی بجاۓ دوستی اور زاتی تعلق کی بنیادوں پر اداروں میں لگایا جاۓ گا تو بیڑہ غرق ہی ہوگا https://t.co/HfCrkPfj3N
— Faraz Chaudhry (@Faraz999) December 10, 2024
ظہیر احمد نے کہا کہ افرادی قوت اہم ہے یا پیسہ؟ ان کا کہنا تھا کہ پاکستان کی عوام یا لوگ کبھی ہمارے لیے اہم نہیں رہے۔
افرادی قوت یا پیسہ؟ پاکستان کی عوام یا لوگ کبھی بھی ہمارے لیے اہم نہیں رہے https://t.co/pe10sIXKuH
— Zaheer Ahmad Kahloon (@kahloon_zaheer) December 10, 2024
محسن حبیب نے چیئرمین نیب پر تنقید کرتے ہوئے کہا کہ ایسی باتیں صرف وہی لوگ کر سکتے ہیں جو کنٹریکٹ پر آئے ہوں اور ان کا تعلق ملک سے نہ ہو۔ صارف نے مزید کہا کہ ایسے لوگ صرف کنٹریکٹ پورا کرتے ہیں اور پیسے وصول کر کے چلےجاتےہیں۔
ایسی باتیں وہی کر سکتے ہیں جو کنٹریکٹ پر آئے ہوں ان کا تعلق ملک سے نہ ہو صرف کنٹریکٹ پورا کیا پیسے وصولے اور چلتے بنے https://t.co/kEMyJ2gucc
— Mohsin Habib (@Mhabeibb) December 10, 2024
