پنجاب اور خیبرپختونخوا کے بعض علاقے شدید دھند کی لپیٹ میں ہیں جس کے باعث مختلف مقامات پر موٹرویز کو ٹریفک کے لیے بند کردیا گیا ہے۔
ترجمان موٹروے پولیس کے مطابق، پنجاب میں مختلف مقامات پر شدید دھند کے باعث موٹروے ایم 2 ٹھوکر نیازبیگ سے بابو صابو تک بند کردی گئی ہے۔
یہ بھی پڑھیں: ملک بھر میں سردی کی جاری لہر میں کمی کا امکان، محمکہ موسمیات
ترجمان نے مزید بتایا کہ موٹروے ایم 3 سمندری سے درخانہ تک شدید دھند کی وجہ سے بند ہے جبکہ موٹروے ایم 4 کو بھی شورکوٹ سے گوجرہ تک بند کردیا گیا ہے۔
ترجمان موٹروے کے مطابق، خیبرپختونخوا میں موٹروے ایم 1 کو صوابی سے پشاور تک شدید دھند کے باعث بند کردیا گیا ہے۔
