یمن پر اسرائیلی بمباری میں اقوام متحدہ کے ادارے ڈبلیو ایچ او کے سربراہ بال بال بچ گئے۔
انٹرنیشنل میڈیا رپورٹس کے مطابق گزشتہ روز (جمعرات) یمن پر اسرائیلی کے حملے میں عالمی ادارہ صحت ( ڈبلیو ایچ او ) کے سربراہ تیدروس ادھانوم بال بال بچ گئے۔
Our mission to negotiate the release of @UN staff detainees and to assess the health and humanitarian situation in #Yemen concluded today. We continue to call for the detainees' immediate release.
As we were about to board our flight from Sana’a, about two hours ago, the airport… pic.twitter.com/riZayWHkvf
— Tedros Adhanom Ghebreyesus (@DrTedros) December 26, 2024
اس حوالے سے ان کا کہنا ہے کہ وہ اور ان کے اقوام متحدہ کے ساتھی صنعا کے ایئرپورٹ پر طیارے میں سوار ہونے کی تیاری کر رہے تھے جب ہوائی اڈہ اسرائیلی بمباری کی زد میں آ گیا۔
سماجی رابطے کے پلیٹ فارم ایکس پر کی جانے والی ٹوئٹ میں انہوں نے لکھا کہ طیارے کے عملے کا ایک رکن زخمی ہوا ہے جبکہ ایئرپورٹ پر کم از کم 2 افراد کی ہلاکت کی اطلاع ہے اور ایئر ٹریفک کنٹرول ٹاور، ڈیپارچر لاؤنج اور رن وے کو نقصان پہنچا۔
دوسری طرف اسرائیلی فوج کے مطابق تازہ حملوں میں یمن کے حزیاز اور راس کناتیب پاور اسٹیشنوں کے ساتھ ساتھ حدیدہ، سلف اور راس کناتیب کی بندرگاہوں میں فوجی انفراسٹرکچر کو بھی نشانہ بنایا گیا۔
