پاکستان اور جنوبی افریقہ کے درمیان 2 ٹیسٹ میچز کی سیریز کے پہلے میچ کے دوسرے دن جنوبی افریقہ اپنی پہلی اننگز میں 301 رنز بنا کر آؤٹ ہوگئی ، اس سے قبل میچ کے پہلے روز پاکستان کی ٹیم اپنی اننگر میں 211 رنز پر آل آؤٹ ہوگئی تھی۔
پاکستان نے دوسری اننگز میں 88رنز بنا لیے ہیں اور اس کے 3کھلاڑی آؤٹ ہوگئے ہیں۔ صائم ایوب 28 رنز بنا کر ربادہ کی گیند پر کلین بولڈ ہوئے۔ کپتان شان مسعود بھی 28 رنز ہی بنا سکے اور جانسن کی گیند پر سٹبز کے ہاتھوں کیچ آؤٹ ہوگئے۔ کامران غلام صرف 4 رنز بنا سکے۔ بابر اعظم 16 اور سعود شکیل 8 رنز سے کل اپنی بیٹنگ دوبارہ شروع کریں گے، پاکستان کو جنوبی افریقہ کی برتری ختم کرنے کے لیے اب بھی 2 رنز درکار ہیں۔
آج صبح جنوبی افریقہ نے3 وکٹوں کے نقصان پر 82 رنز سے اننگز کا دوبارہ آغاز کیا۔ چوتھا کھلاڑی 136 کے مجموعی اسکور پر آؤٹ ہوگیا۔
دوسرے روز پاکستانی بولرز کی محنت 37ویں اوور میں رنگ لائی جب فاسٹ بولر عامر جمال جنوبی افریقہ کی جانب سے چوتھی وکٹ کی شراکت میں جاری مزاحمت کو توڑتے ہوئےکپتان ٹیمبا باووما کی وکٹ حاصل کرنے میں کامیاب ہوئے۔
یہ بھی پڑھیں: سنچورین ٹیسٹ پہلا روز، پاکستانی ٹیم 211 بناسکی، جنوبی افریقہ کے 3کھلاڑی آؤٹ
وکٹ کیپر محمد رضوان کے ہاتھوں کیچ آؤٹ ہونے تک جنوبی افریقہ کے کپتان نے 31 رنز اسکور کیے تھے، ایڈن مرکرم 89 رنز بنا کر آؤٹ ہوگئے۔
چھٹے نمبر پر بیٹنگ کے لیے آئے ڈیوڈ بیڈنگہیم 30 رنز بناکر نسیم شاہ کی گیند پر عامر جمال کے ہاتھوں سلپ میں آؤٹ ہوئے، ان کی جگہ کھیلنے آئے کائل ورائن بھی 2 رنز بنا کر نسیم شاہ کی گیند پر آغا سلمان کے ہاتھوں آؤٹ ہوئے، 191 کے مجموعی اسکور پر جنوبی افریقہ کی 7ویں وکٹ بھی نسیم شاہ نے اپنے نام کی جب مارکو جینسن 2 رنز بناکر وکٹ کیپر محمد رضوان کو کیچ دے بیٹھے۔
مزید پڑھیں:جنوبی افریقہ کے خلاف پہلا ٹیسٹ، پاکستانی ٹیم کا اعلان، خرم شہزاد اور محمد عباس کی واپسی
جنوبی افریقہ کے ابتدائی 3 بلے باز ٹیسٹ میچ کے پہلے روز ہی آؤٹ ہوگئے تھے، جنوبی افریقہ کی ٹیم کو پہلا جھٹکا اس وقت لگا جب تیسرے ہی اوور میں اوپنر ٹونی زورزی محض 2 رنز بنا کر خرم شہزاد کی گیند پر بولڈ ہوگئے۔
اس سے قبل سینچورین ٹیسٹ کے پہلے روز جنوبی افریقہ نے ٹاس جیت کر پاکستان کو پہلے بیٹنگ کی دعوت دی، تاہم پاکستان کی پوری ٹیم 211 رنز بنا کر آؤٹ ہوگئی تھی جس کے بعد بعد جنوبی افریقہ نے پہلے دن کا کھیل ختم ہونے تک 3 وکٹوں کے نقصان پر 82 رنز بنائے تھے۔
مزید پڑھیں:پاکستان جنوبی افریقہ میں ون ڈے سیریز کلین سوئپ کرنے والی پہلی ٹیم بن گئی
دوسرے روز لنچ کے وقفے تک جنوبی افریقہ نے اپنی پہلی اننگز میں 5 وکٹوں کے نقصان پر 180 رنز بنائے ہیں، پاکستان نے مجموعی طور پر آج کھیل کے پہلے سیشن میں 24 اوورز کراتے ہوئے 98 رنز دیے تاہم مہمان ٹیم کے بولرز جنوبی افریقہ کے 2 جم کر کھیلتے ہوئے بلے بازوں کو آؤٹ کرنے میں کامیاب رہے ہیں۔
