لاہور ہائیکورٹ نے اسموگ کے تدراک کے لیے دائر درخواستوں پر سماعت کے دوران پنجاب میں نئے اسکولوں کی رجسٹریشن کے لیے اسکول بسوں کو لازمی قرار دے دیا ہے۔
لاہور ہائیکورٹ میں جسٹس شاہد کریم نے اسموگ تدارک کیس کی سماعت کے دوران متعلقہ حکام کو ہدایت کی کہ اسکولوں کی رجسٹریشن میں اسکول بسوں کو لازمی قرار دیں، نئے سکولوں کی رجسٹریشن بند کریں، ہر اسکول پالیسی اپنانا ہوگی،30 دسمبر تک اس حوالے سے پالیسی رپورٹ جمع کروائیں۔
یہ بھی پڑھیں: اسموگ تدارک کیس، لاہور ہائیکورٹ کے فیصلے میں اہم بات کیا ہے؟
جسٹس شاہد کریم نے استفسار کیا کہ 50 فیصد بچوں کے لیے بسیں شروع کرنے کے عدالتی حکم پر عمل کیوں نہیں ہوا، عدالت
بچوں کی سکولز بسوں کیلئے اقدامات کیوں نہیں کیے گئے ہیں، سیکریٹری اسکولز نے عدالتی احکامات کی خلاف ورزی کی۔
ہم نے ایم ڈی واسا کو کہا ہے کہ واٹر میٹر کے کام کو پھر سے شروع کریں، ممبر جوڈیشل کمیشن
یہ بھی پڑھیں: پاکستان کا کونسا شہر اسموگ فری ہے؟
واسا کے وکیل نے عدالت میں مؤقف اختیار کیا کہ ہمارے چائینیز کمپنی کے ساتھ پیسوں کے مسائل تھے، چائنیز کمپنی یہاں اکاؤنٹ کھلوانا چاہتی تھی۔
جسٹس شاہد کریم نے احکامات جاری کرتے ہوئے کہا کہ یہ کام بہت تاخیر کا شکار ہو چکا ہے، اس کو جلدی شروع کریں، اگلے ایک ماہ میں پھر سے اسموگ شروع ہو جائے گی، عدالت نے کیس کی سماعت 30 دسمبر تک ملتوی کردی۔
