سندھ کے وزیراعلیٰ سید مراد علی شاہ نے کہا ہے کہ جناح اسپتال بغیر کسی سربراہ کے چل رہا ہے لہٰذا وہ خود ہی اس کا سربراہ مقرر کردیں گے خواہ ان پر توہین عدالت کا اطلاق ہی کیوں نہ ہوجائے۔
یہ بھی پڑھیں: سپریم کورٹ: وزیر اعلیٰ سندھ مراد علی شاہ کی نااہلی سے متعلق درخواست خارج
مراد علی شاہ نے کہا کہ پیر تک یہ مسئلہ حل نہ ہوا تو وہ خود ہی جناح اسپتال کا سربراہ تعینات کرکے توہین عدالت کے مرتکب ہوجائیں گے۔
مراد علی شاہ نے کہا کہ جناح اسپتال بڑا اسپتال ہے اور یہ بغیر سربراہ کے ہے۔ انہوں نے مزید کہا کہ عدالت نے سربراہ کو اس لیے نکالا کہ ان کے مطابق وہ ڈیپوٹیشن پر تھے۔
مزید پڑھیے: کیا وزیراعلیٰ سندھ مراد علی شاہ کی کرسی خطرے میں پڑ گئی؟
انہوں نے کہا کہ تقریباً 2 ماہ ہوچکے ہیں اور کیس ہے کہ عدالت میں چلے ہی جا رہا ہے اب اگر پیر تک مسئلہ حل نہ ہوا تو میں خود ہی فیصلہ کرلوں گا۔
