بالی ووڈ اداکارہ پریانکا چوپڑا کا شمار دنیا کے بڑے شوبز ستاروں میں ہوتا ہے۔ اداکارہ کو سنہ 2000 میں مس ورلڈ کا تاج پہنایا گیا تھا اور اس کے بعد انہوں نے کبھی پیچھے مڑ کر نہیں دیکھا۔
پریانکا چوپڑا انٹرویوز کے دوران جوابات دینے میں بڑی ہوشیاری سے کام لیتی ہیں۔ مس ورلڈ کی ایک پرانی ویڈیو وائرل ہو رہی ہے جس میں پریانکا سے چند سوالات پوچھے گئے تھے اور پریانکا کا جواب ایک بار پھر دل جیت رہا ہے۔
پریانکا چوپڑا ہمیشہ کسی نہ کسی وجہ سے سرخیوں میں رہتی ہیں اور اس بار اداکارہ کا ایک پرانا انٹرویو سوشل میڈیا وائرل ہو رہا ہے۔ اس میں دیکھا جا سکتا ہے کہ پریانکا سے جو سوال بھی پوچھا جاتا ہے وہ اس کا ذہانت سے بھرپور جواب دیتی ہیں۔
جب مس ورلڈ کے اسٹیج پر ملک کی نمائندگی کے حوالے سے دباؤ کے بارے میں پوچھا گیا تو پریانکا نے کہا کہ وہ دباؤ میں بہترین کام کرتی ہیں اور اگر دباؤ نہ ہو تو توقعات نہیں ہوتیں اور توقعات کے بغیر ان میں کوئی جوش و خروش نہیں ہوتا۔
پریانکا سے پوچھا گیا کہ کیا مس ورلڈ جیتنا ایک قدم ثابت ہوگا اور اس کے بعد کیا ہوگا؟ پریانکا جواب دیتی ہیں کہ یہ یقینی طور پر ایک قدم ہوگا اور جیتنے کے بعد وہ لوگوں کے خیالات اور ذہنوں پر اثر انداز ہونے کی طاقت رکھتی ہیں اور وہ کچھ بھی کرسکتی ہیں۔
