پاکستان تحریک انصاف (پی ٹی آئی) کے بانی چیئرمین عمران خان نے علی امین گنڈاپور کو خیبر پختونخوا میں پارٹی کے ساتھ مکمل تعاون اور کرپشن کے خاتمے کے لیے خصوصی ہدایات کی ہیں۔
یہ بھی پڑھیں:کیا عمران خان علی امین گنڈاپور سے ناراض ہیں؟ وزیراعلیٰ خیبرپختونخوا نے خاموشی توڑ دی
میڈیا رپورٹس کے مطابق جمعرات کو بانی پی ٹی آئی سے وزیراعلیٰ خیبر پختونخوا علی امین گنڈاپور نے اڈیالہ جیل میں ملاقات کی، پی ٹی آئی کے دونوں رہنماؤں کے درمیان یہ ملاقات 2 گھنٹے تک جاری رہی۔
میڈیا رپورٹس کے مطابق جیل انتظامیہ نے یہ ملاقات اڈیالہ جیل کے کانفرنس روم میں کروائی جس میں پارٹی امور اور سیاسی صورتحال پر گفتگو کی گئی۔
یہ بھی پڑھیں مذاکرات کے دوران عمران خان کو کن مقامات پر منتقل کرنے کی آفر ہوئی، علی امین گنڈاپور کا بڑا انکشاف
میڈیا رپورٹ کے مطابق علی امین گنڈاپور نے بانی پی ٹی آئی کو صوبائی امور پر تفصیل سے بریفنگ دی جس پر بانی پی ٹی آئی نے علی امین گنڈاپور کو پی ٹی آئی خیبرپختونخوا کے ساتھ مکمل تعاون کرنے کی ہدایت کی۔
یہ بھی پڑھیں: علی امین گنڈاپور کو وزارت اعلیٰ سے ہٹانے کا معاملہ، عمر ایوب کھل کر سامنے آگئے
میڈیا رپورٹ کے مطابق بانی پی ٹی آئی نے صوبے میں کرپشن کے خاتمے کے لیے خصوصی ہدایات بھی جاری کی ہیں۔ رپورٹ کے مطابق دونوں رہنماؤں کی ملاقات میں شیر افضل مروت کو پی ٹی آئی سے نکالے جانے کا معاملہ بھی زیر بحث آیا۔
