پاکستان کی صف اول کی ماڈل اور اداکارہ ماہرہ خان نے حال ہی میں MbyMahira کے نام سے کپڑوں کا ایک برانڈ لانچ کیا ہے۔
اس برانڈ میں خوبصورت سادہ سفید اور سیاہ کرتے، پتلون، ساڑیاں، کفتان اور دوپٹہ شامل ہیں۔ ماہرہ خان نے اپنے برانڈ کے لباس کے لیے ماڈلنگ بھی کی۔
MbyMahira کی کلیکشن کو صارفین کی جانب سے بڑے پیمانے پر سراہا گیا نتیجتاً بڑی تعداد میں آرڈرز موصول ہوئے۔
میڈیا رپورٹ کے مطابق صارفین خاص طور خواتین ماہرہ خان کے برانڈ کو لیکر خاصی پُر جوش تھیں، مگر ان کے ارمانوں پر اُس وقت اوس پڑ گئی جب MbyMahira کی جانب سے ایک پوسٹ کے ذریعہ اپنے کرما فرماؤں کو آگاہ کیا گیا کہ ’ بے مثال پروڈکشن میں تاخیر کی وجہ سے، آرڈرز عید کے بعد ڈیلیور کیے جائیں گے ‘۔
یہ پوسٹ ایک ایسے وقت میں سامنے آئی ہے جب صارفین کی جانب سے عید سر پر آجانے کے باوجود ان کے آرڈرز موصول نہ ہونے کی شکایات کی جا رہیں تھیں۔ ظاہر ہے کہ بہت سی خواتین عید کے دن یہ لباس پہننا چاہتی تھیں لیکن اب وہ یقیناً کوئی دوسرا آپشن اختیار کرنے پر مجبور ہیں۔
