قومی جونیئر شطرنج چیمپیئن مہک مقبول نے وزیراعلیٰ سندھ مراد علی شاہ کو شطرنج میں ہرا دیا۔
انڈر 18 قومی جونیئر شطرنج چیمپیئن مہک مقبول کو وزیراعلیٰ سندھ مراد علی شاہ نے مقابلے کی دعوت دی تھی۔
یہ بھی پڑھیں سیاست و شطرنج کے کھلاڑی ایک بساط پر، وزیراعلیٰ سندھ اور چیس چیمپیئن کل مدمقابل
مہک مقبول گلوکار شہزاد رائے کے ’زندگی ٹرسٹ‘ کے ایس ایم بی فاطمہ جناح اسکول میں تعلیم حاصل کررہی ہیں۔ اور اس سے قبل انہوں نے انڈر 18 ٹائٹل جیت کر قومی جونیئر چیمپیئن کا اعزاز اپنے نام کررکھا ہے۔
Pakistan's U-18 Chess Champion, Mehak Maqbool, defeated Sindh Chief Minister Syed Murad Ali Shah in a chess match. Mehak secured victory in just 15 moves.#Chess #MehakMaqbool #CMSindh #MuradAliShah #TOKAlert pic.twitter.com/Dt8r1CaioY
— Times of Karachi (@TOKCityOfLights) March 1, 2025
اس حوالے سے شہزاد رائے نے اپنے بیان میں وزیراعلیٰ سندھ کو سراہتے ہوئے کہاکہ مراد علی شاہ نے مہک مقبول کو مقابلے کی دعوت دے کر اچھا پیغام دیا۔
شہزاد رائے نے کہاکہ گوکہ مراد علی شاہ شطرنج کے ماہر کھلاڑی ہیں تاہم مہک نے انہیں بھی شکست دے دی۔
ان کا کہنا تھا کہ طالبہ نے کھیل کے دوران پراعتمادی دکھائی، تاہم وزیراعلیٰ مراد علی شاہ نے بھی بہت اچھا کھیلا۔
شہزاد رائے نے تجویز دی کہ بچوں کو اسکرین سے دور لے جانے کے لیے ضروری ہے کہ انہیں شطرنج کی طرف لایا جائے۔ وزیراعلیٰ کے لیے خوشی کی بات یہ ہے کہ انہی کے اسکول کی بچی نے انہیں ہرا دیا۔
یہ بھی پڑھیں ایلون مسک نے شطرنج کے کھیل کو ’ہلکا‘ لے لیا، گرینڈ ماسٹرز کا شدید ردعمل
دوسری ترجمان وزیراعلیٰ سندھ نے کہا ہے کہ مہک مقبول نے مراد علی شاہ کو 15 مووز سے چیک میٹ کیا۔
