امریکا میں امریکی صدر ڈونلڈ ٹرمپ سے جھڑکیوں اور جھڑپ کے بعد یوکرین کے صر ولادیمیر زیلینسکی کا لندن پہنچنے پر پُرتپاک خیر مقدم، برطانوی وزیراعظم نے گلے لگا لیا۔
یہ بھی پڑھیں:ٹرمپ زیلینسکی تنازع: اب یورپ کو تنہا ایک ’جیو پولیٹیکل ہارر مووی‘ کا سامنا کرنا ہوگا
وائٹ ہاؤس کے اوول ہاؤس میں بدترین سفارتی ہزیمت اور ٹرمپ سے جھڑکیوں اور جھڑپ کے بعد لندن پر پہنچنے پر یوکرینی صدر ولادیمیر زیلینسکی کا پُر تپاک خیر مقدم کیا گیا، اس موقع پر برطانوی وزیر اعظم کیئراسٹارمر نے ان سے بے در پے دو بار مصافحہ کیا اور انہیں گلے لگایا۔
لندن میں یوکرین کے صدر کا پرتپاک استقبال کیا گیا۔ زیلنسکی نے وزیرِ اعظم اسٹارمر سے دو بار گلے لگایا، ظاہر ہے کہ یورپ کا امریکا کے لیے پیغام تھا کہ وہ یوکرین کو کسی طور روس کے لیے تر نوالی نہیں بنے دے گا۔
یہ بھی پڑھیں:ٹرمپ کو ترکی بہ ترکی جواب دینے پر یوکرینی عوام کا زیلینسکی کو خراج تحسین
لندن میں اس تاریخی ملاقات اور پُرجوش استقبال پر صدر زیلینسکی نے ان کی حمایت پر برطانیہ کے عوام اور حکومت کا شکریہ ادا کیا۔
واضح رہے کہ یوکرین کی بدلتی صورتحال کے حوالے سے روس مخالف یورپی ممالک سر جوڑ کر بیٹھ رہے ہیں، اس اہم اجلاس قبل توقع ہے کہ یوکرینی صدر برطانوی شاہ چارلس سے بھی ملاقات کریں گے۔
