وفاقی تحقیقاتی ادارے (ایف آئی اے) لاہور زون نے بڑی کارروائی عمل میں لائی ہے اور انسانی اسمگلنگ میں ملوث ریڈ بک کے مطلوب ملزم راحیل پرویز سمیت 4 افراد کو گرفتار کرلیا۔
ایف آئی اے کے ترجمان نے بتایا کہ ملزم راحیل پرویز ریڈ بک کا انتہائی مطلوب انسانی اسمگلر ہے، جو 2019 سے ایف آئی اے لاہور کو مطلوب تھا جبکہ دیگر ملزمان میں محمد عمر، امام ندیم اور روحان محمود شامل ہیں۔
یہ بھی پڑھیں لیبیا کشتی واقعے پر وزیراعظم کا اظہار افسوس، ایک بار پھر انسانی اسمگلرز کیخلاف کارروائی کا عندیہ
ترجمان نے بتایا کہ ملزمان کی جانب سے شہریوں سے ویزا فراڈ کیے گئے ہیں، جبکہ یہ دیگر غیرقانونی سرگرمیوں میں بھی ملوث تھے، جنہیں ماڈل ٹاون، رحمان گارڈن اور شمع لاہور سے گرفتار کیا گیا۔
ترجمان ایف آئی اے کی کے مطابق راحیل پرویز نے شہریوں کو کینیڈا بھجوانے کا جھانسہ دے کر ان سے 90 لاکھ روپے ہتھیائے، جبکہ دیگر ملزمان اجازت کے بغیر غیرقانونی ٹریول ایجنسیاں چلا رہے تھے اور شہریوں سے پاسپورٹ وصول کرتے تھے۔
ترجمان کے مطابق چھاپہ مار کارروائیوں کے دوران ملزمان کے قبضے سے 12 پاکستان پاسپورٹس، تعلیمی دستاویزات اور موبائل سمیں برآمد ہوئی ہیں، جن کے بارے میں ملزمان حکام کو مطمئن کرنے میں ناکام رہے۔
یہ بھی پڑھیں ریڈ بک کے انتہائی مطلوب انسانی اسمگلر سمیت 3 اشتہاری ملزمان لاہور سے گرفتار
ترجمان نے مزید بتایا کہ ملزمان کو گرفتار کرکے ابتدائی تفتیش کا آغاز کردیا گیا ہے تاکہ ان کے جرائم کی مزید تفصیلات بھی عوام کے سامنے آسکیں۔
