آئی سی سی ون ڈے رینکنگ جاری، کون سرفہرست ہے؟

انٹرنیشنل کرکٹ کونسل (آئی سی سی ) نے نئی پلیئرز رینکنگ جاری کر دی ہے،  بھارت کے شبمن گل اور پاکستان کے بابراعظم بدستور پہلی اور دوسری پوزیشن پر برقرار ہیں۔

یہ بھی پڑھیں:نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے

چیمپیئنز ٹرافی 2025 کے بعد آئی سی سی نے نئی پلیئرز رینکنگ جاری کی ہے، بیٹنگ رینکنگ میں بھارتی بلے باز شبمان گل پہلی جبکہ پاکستان کے بابر اعظم دوسری پوزیشن پر موجود ہیں، بھارتی کپتان روہت شرما تیسرے نمبر پر آگئے ہیں۔

جنوبی افریقہ کے ہینرک کلاسن چوتھے اور بھارت کے ویرات کوہلی پانچویں نمبر پر موجود ہیں۔

بولنگ رینکنگ

بولنگ رینکنگ میں سری لنکا کے مہیش تھیکشانہ کی پہلی پوزیشن برقرار ہے جبکہ نیوزی لینڈ کے کپتان مچل سینٹنر دوسرے نمبر پر پہنچ گئے ہیں۔

یہ بھی پڑھیں:آئی سی سی نے چیمپئنز ٹرافی کی بہترین ٹیم کا اعلان کردیا، کوئی پاکستانی کھلاڑی شامل نہیں

 بھارتی اسپنر کلدیپ یادیو تیسرے نمبر پر آ گئے ہیں۔ جنوبی افریقہ کے کیشو مہاراج چوتھے اور نامیبیا کے برنارڈ اسکالٹز پانچویں نمبر پر موجود ہیں، ٹاپ ٹین رینکنگ میں پاکستان کے فاسٹ بولر شاہین شاہ آفریدی نویں پوزیشن پر برقرار ہیں۔

آل راؤنڈرز رینکنگ

آل راؤنڈرز کی رینکنگ میں افغانستان کے عظمت اللہ عمرزئی پہلی، افغانستان کے محمد نبی دوسرے اور زمبابوے کے سکندر رضا تیسرے نمبر پر ہیں۔ نیوزی لینڈ کے کپتان مچل سینٹنر چوتھے نمبر پر ہیں۔