آئندہ 24 گھنٹوں میں ملک کے بیشتر علاقوں میں موسم گرم اور خشک جبکہ مری، گلیات سمیٹ پہاڑی علاقوں میں بارش کا امکان ہے۔
محکمہ موسمیات کے مطابق بروز جمعرات اسلام آباد اور گردونواح میں دن کے دوران موسم گرم اور خشک رہنے کا امکان ہے، بعد از دوپہر اسلام آباد میں مطلع جزوی ابر آلود رہنے کی توقع ہے۔
یہ بھی پڑھیں: ژالہ باری: راولپنڈی اسلام آباد میں ونڈ اسکرین کا اسٹاک ختم، قیمتیں کئی گنا بڑھ گئیں
خیبرپختونخوا کے بیشتر اضلاع میں دن کے وقت موسم گرم اور خشک رہنے کا امکان ہے، رات میں چترال، دیر، سوات، شانگلہ، کوہستان، مانسہرہ ایبٹ آباد میں بارش کا امکان ہے۔
محکمہ موسمیات کا کہنا ہے کہ بٹگرام، بونیر، کرم، باجوڑ اور مہمند میں بھی بارش کی توقع ہے، پنجاب کے بیشتر اضلاع میں موسم گرم اور خشک رہنے کی توقع ہے۔
یہ بھی پڑھیں: اسلام آباد میں شدید ژالہ باری سے نقصان: ’ ایسا لگ رہا تھا جیسے کوئی نشانے لے کر مار رہا ہو‘
مری، گلیات اور گردونواح میں بارش ہوسکتی ہے، سندھ میں دن میں درجہ حرارت معمول سے 6سے 8ڈگری زیادہ رہنے کا امکان ہے۔
بلوچستان کے بیشتر اضلاع میں موسم گرم اور خشک رہنے کی توقع ہے۔ شام یا رات میں ژوب،موسیٰ خیل،بارکھان میں بارش کا امکان ہے۔
