پاکستان کرکٹ ٹیم کے سابق کپتان اور وکٹ کیپر بیٹر راشد لطیف نے کہا ہے کہ ون ڈے کرکٹ میں نمبر 4 پوزیشن کے لیے محمد رضوان سب سے موزوں کھلاڑی ہیں۔
سابق کرکٹر راشد لطیف نے سماجی رابطے کی ویب سائٹ پر لکھا کہ ون ڈے کرکٹ میں نمبر 4 پوزیشن پر اس وقت کھیلنے کے لیے وکٹ کیپر بیٹر محمد رضوان بہترین کھلاڑی ہیں۔
Best batter at No. 4 Mohammad Rizwan #PAKvNZ excellent batting back to back centuries by Fakhar and Mitchell, congratulations 👏 Congratulations Team Pakistan. pic.twitter.com/xyOWq18eLy
— Rashid Latif | 🇵🇰 (@iRashidLatif68) April 29, 2023
سابق کپتان کا یہ تبصرہ دوسرے ون ڈے میں نیوزی لینڈ کے خلاف پاکستان کی 7 وکٹوں کی شاندار جیت کے بعد سامنے آیا ہے۔
ٹوئٹر پر جاری پیغام میں راشد لطیف نے کہا کہ فخرزمان اور نیوزی لینڈ کے ڈیرل مچل کو سنچریاں بنانے پر مبارکباد پیش کرتا ہوں اور قومی ٹیم کی کامیابی پر کھلاڑیوں کو سراہتا ہوں۔
واضح رہے کہ محمد رضوان نے سیریز کے دونوں میچز میں 5 ویں نمبر پر بیٹنگ کی اور ناقابل شکست اننگز کھیل کر ٹیم کو فتح دلوائی۔
پہلے میچ میں محمد رضوان نے 34 گیندوں پر 42 رنز کی ناقابل شکست اننگز کھیلی اور دوسرے میچ میں 41 گیندوں پر 54 رنز اسکور کیے تھے۔
پاکستان اور نیوزی لینڈ کے درمیان جاری 5 میچز پر مشتمل سیریز میں پاکستان کو دو صفر کی برتری حاصل ہے۔
