بھارت کی جانب سے پاکستان پر میزائل حملوں پر تشویش کا اظہار کرتے ہوئے امریکا نے جوہری ہتھیاروں سے لیس دونوں ممالک کے اعلیٰ سیکیورٹی حکام سے رابطہ کیا ہے، سیکریٹری آف اسٹیٹ مارکو روبیو نے اس جنگی صورتحال کے جلد خاتمے کی امید ظاہر کی ہے۔
امریکی محکمہ خارجہ کی جانب سے ایکس پر پوسٹ کیے گئے پیغام میں کہا گیا ہے کہ دوپہر میں سیکریٹری آف اسٹیٹ مارکو روبیو نے بھارت اور پاکستان کے قومی سلامتی کے مشیروں سے بات کرتے ہوئے فریقین کے مابین رابطے کی لائنیں کھلی رکھنے اور کشیدگی میں اضافے سے گریز پر زور دیا ہے۔
Earlier this afternoon, @SecRubio spoke to the national security advisors from India and Pakistan. He urged both to keep lines of communication open and avoid escalation.
— Department of State (@StateDept) May 7, 2025
اس سے قبل ایکس پر اپنی ایک پوسٹ میں امریکی سیکریٹری آف اسٹیٹ مارکو روبیو نے کہا تھا کہ وہ ہندوستان اور پاکستان کے درمیان صورتحال پر گہری نظر رکھے ہوئے ہیں، انہوں نے صدر ڈونلڈ ٹرمپ کے بیان کو دہراتے ہوئے امید ظاہر کی کہ پاک بھارت کشیدگی جلد ختم ہوجائے گی۔
I am monitoring the situation between India and Pakistan closely. I echo @POTUS's comments earlier today that this hopefully ends quickly and will continue to engage both Indian and Pakistani leadership towards a peaceful resolution.
— Secretary Marco Rubio (@SecRubio) May 6, 2025
’۔۔اور میں ہندوستانی اور پاکستانی قیادت دونوں کو ایک پرامن حل کے لیے مصروف رکھنے کی کوششیں جاری رکھوں گا۔‘
