وزیراعظم محمد شہباز شریف سعودی عرب کے ولی عہد و وزیرِاعظم شہزادہ محمد بن سلمان بن عبدالعزیز السعود کی دعوت پر اپنے 2 روزہ دورہ سعودی عرب پر جدہ پہنچ گئے۔
وزیراعظم آفس کے میڈیا ونگ سے جاری بیان کے مطابق بدھ کے روز وزیراعظم شہباز شریف سعودی عرب کے ولی عہد شہزادہ محمد بن سلمان بن عبدالعزیز السعود کی دعوت پر جدہ پہنچنے، جدہ پہنچنے پر گورنر جدہ شہزادہ سعود بن عبداللہ جلاوی، سعودی عرب کے پاکستان میں سفیر نواف بن سعید المالکی، پاکستان کے سعودی عرب میں سفیر احمد فاروق اور اعلیٰ سفارتی اہلکاروں نے استقبال کیا۔
یہ بھی پڑھیں: پاک بھارت جنگ بندی میں سعودی عرب کا کردار، ’وزیراعظم اور وزیر خارجہ کل ایک روزہ دورہ کریں گے‘
وزیرِاعظم و پاکستانی وفد عمرہ کی ادائیگی کے لیے جدہ سے مکہ مکرمہ روانہ ہوگیا۔
وصل إلى جدة اليوم ، فخامة دولة رئيس الوزراء بجمهورية باكستان الإسلامية محمد شهباز شريف
وكان في استقباله بـ #مطار_الملك_عبدالعزيز_الدولي ، الأمير #سعود_بن_جلوي محافظ جدة وعدد من المسؤولين . pic.twitter.com/ztUJSa7kVf— محافظة جدة (@jedgovsa) June 5, 2025
وزیراعظم عمرے کی ادائیگی کے بعد عید الاضحیٰ سعودی عرب میں گزاریں گے،عید الاضحیٰ کے دن وزیراعظم شہباز شریف ولی عہد و وزیراعظم سعودی عرب شہزادہ محمد بن سلمان بن عبدالعزیز سے عید ملیں گے اور ان کے مابین خصوصی ملاقات ہوگی ۔
دونوں رہنمائوں کی ملاقات میں پاکستان اور سعودی عرب کے مابین تجارت اور سرمایہ کاری، امت مسلمہ کی فلاح و بہبود اور علاقائی امن و سلامتی سمیت اہم شعبوں میں دوطرفہ تعاون کو مضبوط بنانے پر گفتگو ہوگی۔
یہ بھی پڑھیں: وزیراعظم پاکستان کی سعودی ولی عہد سے ملاقات، پاک سعودی عرب مضبوط اقتصادی شراکت داری کا اعادہ
وزیراعظم شہباز شریف حالیہ پاک بھارت تنازع کو کم کرنے میں تعمیری کردار پر سعودی قیادت کا شکریہ بھی ادا کریں گے، ایک اعلیٰ سطح کا وفد بھی وزیر اعظم کے ہمراہ سعودی عرب کا دورہ کر رہا ہے۔
