سعودی وزارتِ اسلامی امور، دعوت و رہنمائی نے خادمِ حرمین شریفین شاہ سلمان بن عبدالعزیز کی جانب سے حجاج کرام کو دی جانے والی قرآن پاک کے نسخوں کی مقدس سوغات کی تقسیم کا آغاز کر دیا ہے۔
رواں سال حج کے دوران مجموعی طور پر 25 لاکھ 21 ہزار 380 نسخے تقسیم کیے جائیں گے، جو مدینہ منورہ میں واقع شاہ فہد قرآن پرنٹنگ کمپلیکس میں مختلف سائزوں اور کئی بین الاقوامی زبانوں میں تراجم کے ساتھ شائع کیے گئے ہیں، تاکہ دنیا بھر سے آنے والے تمام حجاج تک یہ مبارک تحفہ پہنچ سکے۔
مزید پڑھیں: پاکستانی حجاج کی وطن واپسی کا آغاز، پہلی پرواز کل اسلام آباد پہنچے گی
وزارت کا کہنا ہے کہ یہ اقدام سعودی قیادت کی قرآنِ کریم سے محبت اور حجاجِ کرام کی خدمت کے عزم کا مظہر ہے، تاکہ وہ روانگی سے قبل اللہ کی کتاب کو اپنے ساتھ لے کر جائیں اور اسے اپنی زندگی کا حصہ بنائیں۔
یہ روایت سعودی عرب کے اس مشن کی عکاسی کرتی ہے جو حجاج کی خدمت اور ان کی سہولت کو اپنی اولین ترجیح سمجھتا ہے۔
