جنوبی کوریا کی کار ساز کمپنی ہنڈائی نے ایک دلچسپ پارکنگ روبوٹ تیار کیا ہے جو آپ کی کار کو کسی بھی انسانی ویلے سروس سے بہتر پارک کر سکتا ہے۔
یہ بھی پڑھیں:مصنوعی ذہانت ڈرون اور روبوٹس کو کیسے زیادہ مہلک بنا دے گی؟
کار کمپنیوں نے انسانی ڈرائیوروں کو متوازی پارکنگ یا تنگ جگہوں پر بیک اپ کرنے کے دباؤ سے نجات دلانے کے لیے جدید خودکار پارکنگ کے حل میں اربوں ڈالر کی سرمایہ کاری کی ہے۔ کچھ سسٹم دوسروں سے بہتر نکلے ہیں لیکن جب تک کہ آپ اس طرح کے جدید نظام کے لیے تھوڑی سی اضافی رقم ادا کرنے کو تیار نہیں ہوتے آپ اپنی ہی پارکنگ کی مہارتوں کے ساتھ پھنسے رہیں گے۔
لیکن کیا ہو اگر آپ کی پرانی یا سستی کار کو انجن کو چلائے بغیر خود بخود پارک کرنے کا کوئی طریقہ نکل آئے؟ جنوبی کوریا کی کمپنی ہنڈائی نے ایک ذہین پارکنگ روبوٹ تیار کیا ہے جو کسی بھی قسم کی کار کے نیچے پہنچ کر اس کے پہیوں کو اٹھا سکتا ہے اور پھر اسے کسی مخصوص پارکنگ جگہ پر اطمینان سے پارک کر سکتا ہے۔
مکمل طور پر خودمختار گاڑیاں آنے میں شاید اب بھی خاصا وقت لگ جائے اور ویلے پارکنگ کرنے والے خود کو روبوٹ انقلاب سے محفوظ سمجھتے ہوں لیکن یہ صرف اس لیے ہے کہ ان میں سے اکثر نے ہنڈائی کے WIA پارکنگ روبوٹ نیٹ ورک کو کام کرتے نہیں دیکھا۔
پچھلے سال اس کی رونمائی ہوئی تھی۔ یہ WIA فلیٹ میٹل سلیبس پر مشتمل ہے جو کہ 110 ملی میٹر سے زیادہ اونچا نہیں ہے جو دراصل پتلا سا روبوٹ ہے اور 2.2 ٹن تک گاڑیوں کے نیچے سلائڈ ہوتے ہوئے چاروں پہیوں کو اٹھانے کے لیے 2 دھاتی ہاتھوں کو استعمال کرتا ہے اور پھر گاڑی کو کسی بھی انسان سے بہتر پارک کر سکتا ہے۔
ہنڈائی کے فلیٹ پارکنگ روبوٹس کیمروں اور LiDAR سے لیس ہیں، اور گاڑیوں کو پارکنگ کی جگہوں پر منتقل کرنے کے لیے میٹل بیلے ڈانسر کی طرح مل کر کام کرتے ہوئے 1.2 میٹر فی سیکنڈ کی رفتار سے حرکت کر سکتے ہیں۔
مزید پڑھیے: دنیا کی پہلی روبوٹ فائٹ: پہلوانوں کے تابڑ توڑ حملوں، ناک آؤٹس نے سب کو حیران کردیا
جنوبی کوریا کے ڈویلپر نے کہا کہ کیو آر کوڈز روبوٹس کے کام کو بہت آسان بنا دیتے ہیں جن سے ہر کار کو اس کی مخصوص پارکنگ کی جگہ پر فٹ کرنے میں مدد ملتی ہے۔
WIA پارکنگ روبوٹ سسٹم کی نقاب کشائی کے ایک سال سے بھی کم عرصے میں ہنڈائی نے پہلے ہی اس سسٹم کو سیئول میں اپنے آفس کی عمارت کے ساتھ ساتھ سنگاپور انوویشن سینٹر میں استعمال کرنا شروع کردیا ہے اور اس حوالے سے ویڈیوز بھی جاری کی ہیں کہ یہ کتنا اچھا کام کرتا ہے۔
کمپنی کا اسمارٹ پارکنگ کنٹرول سسٹم بیک وقت 50 روبوٹ چلا سکتا ہے۔
مزید پڑھیں: ہیومنائیڈ روبوٹس کس طرح انقلاب لارہے ہیں؟
دلچسپ بات یہ ہے کہ چینی کمپنی شینزین شانی ٹیکنالوجیز کی جانب سے اسی طرح کا ایک روبوٹ نمائش کے لیے پیش کیا گیا تھا جس کا استعمال غیر قانونی طور پر کھڑی گاڑیوں کو فوری طور پر اٹھانے اور سڑکوں اور پارکنگ کی جگہوں کو ٹو کرنے والے ٹرکوں سے زیادہ مؤثر طریقے سے خالی کرنے کے لیے کیا گیا تھا۔
