ایران کے قطر میں واقع امریکی فوجی اڈے پر میزائل حملوں کے بعد خام تیل کی قیمت میں حیرت انگیز طور پر کمی دیکھی گئی ہے۔
یہ بھی پڑھیں: ایران پر اسرائیلی حملے کے بعد عالمی منڈی میں تیل کی قیمتوں میں 9 فیصد سے زائد اضافہ
میڈیا رپورٹس کے مطابق ایران کے قطر میں امریکی فوجی اڈے پر حملے کے بعد عالمی منڈی میں برینٹ کروڈ کی قیمت میں تقریبا پانچ فیصد کمی ، 72 ڈالر فی بیرل سے بھی نیچے آگئی ہے۔
برینٹ آئل 5.70 فیصد گرگیا ,لندن برینٹ آئل 4.28 ڈالر سستا ہوکر 71.20 ڈالر فی بیرل تک گرگیا، امریکی خام تیل 6.12 فیصد سستا ہوگیا ,امریکی خام تیل 4.52 ڈالر سستا ہوکر 69 ڈالر 32 سینٹس فی بیرل تک گرگیا ہے۔
عام طور پر مشرقِ وسطیٰ میں کشیدگی کے باعث تیل کی قیمتوں میں اضافہ ہوتا ہے کیونکہ مارکیٹوں میں فراہمی متاثر ہونے کا خدشہ پیدا ہو جاتا ہے، لیکن اس بار برعکس ردعمل نے ماہرین کو حیرت میں ڈال دیا ہے۔
یہ بھی پڑھیں: ایران کو امریکی مہلت کے بعد تیل کی عالمی منڈی بے یقینی کا شکار
مارکیٹ مبصرین کے مطابق قیمتوں میں یہ کمی سرمایہ کاروں کی طرف سے نفع سمیٹنے یا مستقبل میں کسی متوقع استحکام کے پیش نظر ہوسکتی ہے۔
