ایران نے ملک بھر میں اسرائیلی جاسوسوں کے خلاف ایک بڑے کریک ڈاؤن کا آغاز کیا ہے، جس میں اب تک 700 سے زائد افراد کو گرفتار کیا جا چکا ہے۔
یہ بھی پڑھیں:ایران نے اسرائیل کے لیے جاسوسی کے الزام میں ایک اور شخص کو پھانسی دے دی
ایرانی میڈیا کے مطابق حال ہی میں ایک اور مبینہ موساد (اسرائیلی خفیہ ادارہ) کے ایجنٹ کو پھانسی دے دی گئی ہے۔ گزشتہ ایک ہفتے کے دوران یہ تیسرا جاسوس ہے جسے ایران نے سزائے موت دی ہے۔
ان گرفتاریوں اور پھانسیوں کا سلسلہ ایسے وقت میں جاری ہے جب خطے میں کشیدگی میں مسلسل اضافہ ہو رہا ہے، خاص طور پر امریکا اور اسرائیل کی جانب سے ایرانی جوہری تنصیبات پر حملوں کے بعد۔ حالیہ اطلاعات کے مطابق، یہ حملے جوہری پروگرام کو مکمل طور پر ختم کرنے میں ناکام رہے۔
یہ بھی پڑھیں:موساد کے اڈے پر ایسا میزائل مارا جس کا سراغ لگانا ممکن نہیں، ایران
اس دوران ایرانی وزیر خارجہ عباس عراقچی نے ملک کے جوہری پروگرام سے وابستگی کو دہراتے ہوئے کہا ہے کہ ایران اپنی ایٹمی ٹیکنالوجی کو نہیں چھوڑے گا۔ ہم نے اس کامیابی کے لیے مسلسل محنت کی ہے۔
انہوں نے کہا کلہ ہم پر جوہری ہتھیاروں کے نام پر جنگ مسلط کی گئی، اور ہمارے سائنسدانوں نے اس راہ میں بڑی قربانیاں دی ہیں۔
ماہرین کے مطابق ایران کی جانب سے گرفتاریاں اور پھانسیاں ایک واضح پیغام ہیں کہ وہ اپنے اندرونی سیکیورٹی اور جوہری خودمختاری پر کوئی سمجھوتہ کرنے کو تیار نہیں۔
