صوبہ خیبرپختونخوا کے اکثر اضلاع میں آج (26 جون کی) شام سے یکم جولائی تک تیز اور موسلادھار بارشوں کا امکان ہے۔ جبکہ بعض علاقوں میں ژالہ باری کی بھی پیشگوئی کی گئی ہے۔
پی ڈی ایم اے کی طرف سے جاری کردہ الرٹ میں بتایا گیا ہے کہ موسلادھار بارشوں کے اس اسپیل کے دوران شمالی علاقوں میں شدید بارشوں کے باعث گلیشیئرز پھٹنے کا خطرہ بھی ہے۔
پی ڈی ایم اے نے ضلع چترال اپر، چترال لوئر، دیر اپر، سوات، اور کوہستان کے لیے خصوصی الرٹ جاری کیا ہے اور وہاں کی ضلعی انتظامیہ کو فوری اقدامات کی ہدایت کی ہے۔
ادارے نے عوام اور سیاحوں کے لیے ہدایات بھی جاری کی ہیں جن میں مقامی آبادی کو الرٹ کیا گیا ہے اور سیاحوں سے کہا گیا ہے کہ سیاح غیر ضروری سفر سے گریز کریں اور احتیاطی تدابیر اختیار کریں۔
ایڈوائزری میں ایمرجنسی سروسز اور ریسکیو اہلکاروں کو ہائی الرٹ پر رکھنے کو کہا گیا ہے۔
کسی بھی ناخوشگوار واقعے کی صورت میں فوری اطلاع دیجیے:
پی ڈی ایم اے ایمرجنسی نمبر: 1700
