امریکی صدر ڈونلڈ ٹرمپ نے بھارت سمیت برکس ممالک پر سخت تجارتی مؤقف اختیار کرتے ہوئے اعلان کیا ہے کہ ان ممالک کے ساتھ امریکی تجارت پر 10 فیصد ٹیرف عائد کیا جائے گا، جس سے بھارتی معیشت کو بڑا دھچکا لگا ہے۔
یہ بھی پڑھیں:سعودی وزیر خارجہ برکس سربراہی اجلاس میں شرکت کے لیے برازیل پہنچ گئے
امریکی صدر نے واضح کیا کہ ٹیرف کے معاملے میں بھارت کو کوئی رعایت یا استثنیٰ نہیں دیا جائے گا۔ بھارت بھی برکس کا رکن ہے، اس لیے وہ بھی 10 فیصد ٹیرف کے دائرے میں آئے گا۔
صدر ٹرمپ نے الزام عائد کیا کہ برکس کا قیام امریکا کو معاشی نقصان پہنچانے اور ڈالر کو کمزور کرنے کے لیے کیا گیا ہے۔ ان کا کہنا تھا کہ اگر کوئی ڈالر کو چیلنج کرے گا تو امریکا اسے ہرگز اجازت نہیں دے گا۔
بین الاقوامی مبصرین کا کہنا ہے کہ امریکی اقدام کے بعد بھارت کو نہ صرف معاشی سطح پر بلکہ سفارتی میدان میں بھی ہزیمت کا سامنا کرنا پڑ سکتا ہے۔
